Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað er átt við með intraneti? Hver er munurinn á því og innra neti?

Internetið er oft kallað Alnetið á íslensku. Alnetið er samtenging margra neta um allan heim. Sú samtenging er byggð á IP-nettækninni, þar sem IP stendur fyrir Internet Protocol, samskiptastaðal Alnetsins. IP-nettæknin er óháð vélbúnaði; menn hafa jafnvel útfært IP-net með bréfdúfum!

IP-nettæknin er nú orðin ekki aðeins ráðandi tækni í samtengingum neta heldur einnig í innri netum, jafnvel þeim sem ekki eru tengd við Alnetið. Slík innri net, sem byggjast á IP-samskiptum, eru oft kölluð intranet, hvort sem þau eru tengd við Internetið eða ekki. Innra net er oft notað í íslensku sem þýðing á enska orðinu intranet. Ef slík innri net eru tengd við Alnetið er oftast eldveggur milli innra netsins og Alnetsins, samanber svar sama höfundar um eldvegg hér á Vísindavefnum.



Skýringarmynd af intraneti

Annað enskt orð skyldrar merkingar er extranet, en það er notað til að tákna þann hluta Alnetsins, sem þjónað er með einhverju hugbúnaðarkerfi. Oftast er þá um að ræða þjónustu, sem boðin er á einhverju innra neti og einnig völdum aðilum á Alnetinu, jafnvel þótt þeir séu utan innra netsins. Þeir aðilar eru þá ef til vill viðskiptavinir eða starfsmenn viðkomandi fyrirtækis. Einnig eru nokkur innri net stundum tengd saman með dulrituðum samskiptum yfir Alnetið. Það er þá nokkuð á reiki hvort menn kalla slík net í heild intranet eða extranet.

Viðbót ritstjórnar: Orðanefnd Skýrslutæknifélagsins hefur lagt til að Internetið sé kallað Lýðnetið, samanber Orðabanka Íslenskrar málstöðvar.

Frekara lesefni af Vísindavefnum

Mynd: Skýringarmynd af intraneti - Sótt 21.07.10

Útgáfudagur

15.5.2001

Spyrjandi

Jóhanna Baldursdóttir

Höfundur

prófessor í tölvunarfræði við HÍ

Tilvísun

Snorri Agnarsson. „Hvað er átt við með intraneti? Hver er munurinn á því og innra neti?“ Vísindavefurinn, 15. maí 2001. Sótt 30. mars 2017. http://visindavefur.is/svar.php?id=1604.

Snorri Agnarsson. (2001, 15. maí). Hvað er átt við með intraneti? Hver er munurinn á því og innra neti? Vísindavefurinn. Sótt af http://visindavefur.is/svar.php?id=1604

Snorri Agnarsson. „Hvað er átt við með intraneti? Hver er munurinn á því og innra neti?“ Vísindavefurinn. 15. maí. 2001. Vefsíða. 30. mar. 2017. <http://visindavefur.is/svar.php?id=1604>.

Chicago | APA | MLA

Sendu inn spurningu
eða

Vísindadagatalið

Te

Tedrykkja varð almenn í Kína líklega á 3. öld e.Kr. Kínverskar þjóðsögur greina þó frá upphafi tedrykkju mun fyrr, eða um 2700 f.Kr. Te barst líklega fyrst til Evrópu frá Japan og á 17. öld komst tedrykkja í tísku meðal evrópskra hástétta. Ef fersk blöð terunnans eru þurrkuð fæst grænt te en ef þau gerjast fyrir þurrkun verður til svart te.