Senda inn spurningu
Sólin Sólin Rís 05:43 • sest 21:13 í Reykjavík
Tunglið Tunglið Rís 13:37 • Sest 06:11 í Reykjavík
Flóð Flóð Árdegis: 02:59 • Síðdegis: 15:47 í Reykjavík
Fjaran Fjara Árdegis: 09:39 • Síðdegis: 21:50 í Reykjavík
Visit the English version

Flokkun:

Vísindavefur Unga fólkið svarar
Náttúruvísindi og verkfræði Landafræði

Hver er stærsta eyja í heimi, og hvar í röðinni er Ísland?

Hildur Sveinsdóttir, Kristjana Ósk Kristinsdóttir og Þórhildur Magnúsdóttir

Grænland í Norður-Atlantshafi er stærsta eyja heims og er 2.130.800 km2 að flatarmáli. Það er um 0,42% af heildarflatarmáli jarðar og 1,45% af þurrlendi jarðar. Grænland teygir sig 2.670 km frá norðri til suðurs og yfir 1.050 km frá austri til vesturs þar sem það er breiðast.

Ástralía er talsvert stærri en Grænland eða 7.686.850 km2 að flatarmáli en hún telst ekki vera eyja heldur meginland. Ástralía er eina ríki heims sem nær yfir heilt meginland. Næststærsta eyja heims er Nýja-Gínea í Suður-Kyrrahafi en flatarmál hennar er um það bil 785.800 km2.

Listar yfir stærstu eyjur heims stangast stundum á og felst mismunurinn oft í því hvort minni eyjar við strönd stærri eyju eru taldar með í flatarmáli hennar. Á flestum listum er Ísland í átjánda sæti yfir stærstu eyjur heims. Flatarmál Íslands er um 103.000 km2 en ef minni eyjur sem tilheyra því eru ekki taldar með er flatarmálið um 102.000 km2. Ísland er 106. stærsta land heims að flatarmáli og er næststærsta eyja Evrópu en sú stærsta er Stóra-Bretland.

Frekara lesefni á vísindavefnum:

Heimildir:

Mynd

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2011.

Höfundar

Hildur Sveinsdóttir

nemandi í Háskóla unga fólksins

Kristjana Ósk Kristinsdóttir

nemandi í Háskóla unga fólksins

Þórhildur Magnúsdóttir

nemandi í Háskóla unga fólksins

Útgáfudagur

8.6.2011

Spyrjandi

H. Á.

Efnisorð

Tilvísun

Hildur Sveinsdóttir, Kristjana Ósk Kristinsdóttir og Þórhildur Magnúsdóttir. „Hver er stærsta eyja í heimi, og hvar í röðinni er Ísland?“ Vísindavefurinn, 8. júní 2011. Sótt 18. apríl 2024. http://visindavefur.is/svar.php?id=19654.

Hildur Sveinsdóttir, Kristjana Ósk Kristinsdóttir og Þórhildur Magnúsdóttir. (2011, 8. júní). Hver er stærsta eyja í heimi, og hvar í röðinni er Ísland? Vísindavefurinn. Sótt af http://visindavefur.is/svar.php?id=19654

Hildur Sveinsdóttir, Kristjana Ósk Kristinsdóttir og Þórhildur Magnúsdóttir. „Hver er stærsta eyja í heimi, og hvar í röðinni er Ísland?“ Vísindavefurinn. 8. jún. 2011. Vefsíða. 18. apr. 2024. <http://visindavefur.is/svar.php?id=19654>.

Chicago | APA | MLA

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hver er stærsta eyja í heimi, og hvar í röðinni er Ísland?
Grænland í Norður-Atlantshafi er stærsta eyja heims og er 2.130.800 km2 að flatarmáli. Það er um 0,42% af heildarflatarmáli jarðar og 1,45% af þurrlendi jarðar. Grænland teygir sig 2.670 km frá norðri til suðurs og yfir 1.050 km frá austri til vesturs þar sem það er breiðast.

Ástralía er talsvert stærri en Grænland eða 7.686.850 km2 að flatarmáli en hún telst ekki vera eyja heldur meginland. Ástralía er eina ríki heims sem nær yfir heilt meginland. Næststærsta eyja heims er Nýja-Gínea í Suður-Kyrrahafi en flatarmál hennar er um það bil 785.800 km2.

Listar yfir stærstu eyjur heims stangast stundum á og felst mismunurinn oft í því hvort minni eyjar við strönd stærri eyju eru taldar með í flatarmáli hennar. Á flestum listum er Ísland í átjánda sæti yfir stærstu eyjur heims. Flatarmál Íslands er um 103.000 km2 en ef minni eyjur sem tilheyra því eru ekki taldar með er flatarmálið um 102.000 km2. Ísland er 106. stærsta land heims að flatarmáli og er næststærsta eyja Evrópu en sú stærsta er Stóra-Bretland.

Frekara lesefni á vísindavefnum:

Heimildir:

Mynd

Þetta svar er eftir nemendur í Háskóla unga fólksins, námskeiðum á vegum HÍ fyrir 12-16 ára ungmenni í júnímánuði 2011. ...