Hvaða gagn gera mýflugur?

Nafn þitt

Netfang þitt

Netfang móttakanda

Ruslpóstvörn =

Svar

Hvaða gagn gera mýflugur?
Hér er einnig svarað spurningunni:

Af hverju skapaði guð mýflugur fyrst þær eru svona pirrandi?

Mý skiptist í rykmý sem er bæði i stöðuvötnum og straumvötnum og bitmý sem er aðeins í straumvötnum. Auk þess eru nokkrar aðrar ættir sem eru miklu fáliðaðri.

Mýflugur eyða mestum hluta lífsferils síns sem lirfur á botni vatna og eru einkennandi fyrir botndýralíf í stöðuvötnum og ám í öllum heimshlutum. Mýið er mikilvæg fæða fyrir önnur skordýr, fiska og fugla. Til dæmis er mý um 70% af fæðu urriða í Laxá í Suður-Þingeyjarsýslu.

Rykmý er einnig mikilvæg fæða fyrir silung og endur í öllum vötnum á Íslandi og víðar. Í Mývatni getur rykmý verið allt að 90% af fæðu bleikju, en hlutfallið sveiflast eftir því hvernig öðrum botn- og svifdýrum vegnar (það er krabbadýrum).

Af þessu má sjá að mýflugur gegna mjög mikilvægu hlutverki í vistkerfi vatna. Tilvera þeirra hefur því annan og meiri tilgang en að pirra okkur mannfólkið.

Skoðið einnig svar Jóns S. Ólafssonar við spurningunni Af hverju bítur mýflugan? og svör Gísla Más Gíslasonar við spurningunum Hvar halda mýflugur sig þegar illa viðrar? og Hver er lífmassi mýsins við Mývatn?...