Sólin Sólin Rís 03:24 • sest 23:29 í Reykjavík
Tunglið Tunglið Rís 14:18 • Sest 03:37 í Reykjavík
Flóð Flóð Árdegis: 00:59 • Síðdegis: 13:45 í Reykjavík
Fjaran Fjara Árdegis: 07:28 • Síðdegis: 19:58 í Reykjavík

Geta börn sem fæðast heilbrigð fengið Down-heilkenni?

EDS

Down-heilkenni (e. Down's syndrome) er erfðagalli sem stafar af því að aukalitningur er til staðar í frumum líkamans. Í flestum tilfellum er manneskja með 46 litninga í 23 pörum en einstaklingar með Down-heilkenni hafa þrjú eintök af litningi 21 og eru því alls með 47 litninga.

Aukalitninginn má rekja til mistaka við myndun annarrar kynfumunnar, í flestum tilfellum eggsins, sem hefur þá tvö eintök af litningi 21. Okfruman sem verður til þegar slík kynfruma tekur þátt í frjóvgun hefur þrjú eintök af litningi 21 í stað tveggja og barnið sem upp af henni vex verður með Down-heilkenni. Hægt er að lesa meira um kynfrumur og okfrumur í svari Þuríðar Þorbjarnardóttur við spurningunni Hvernig verðum við til?

Það hvort einstaklingur er með Down-heilkenni eða ekki ræðst því við getnað og breytist ekki eftir það.

Nánar má lesa um Down-heilkenni í svari Þuríðar Þorbjarnardóttur við spurningunni Er Down-heilkenni til hjá öllum kynþáttum? og í svari Hans Tómasar Björnssonar við spurningunni Hverjar eru líkur á því að barn fæðist með Down-heilkenni?

Höfundur

Emilía Dagný Sveinbjörnsdóttir

landfræðingur og starfsmaður Vísindavefsins

Útgáfudagur

15.9.2004

Spyrjandi

Emilía Bjarnason, f. 1990

Tilvísun

EDS. „Geta börn sem fæðast heilbrigð fengið Down-heilkenni?“ Vísindavefurinn, 15. september 2004. Sótt 31. maí 2020. http://visindavefur.is/svar.php?id=4511.

EDS. (2004, 15. september). Geta börn sem fæðast heilbrigð fengið Down-heilkenni? Vísindavefurinn. Sótt af http://visindavefur.is/svar.php?id=4511

EDS. „Geta börn sem fæðast heilbrigð fengið Down-heilkenni?“ Vísindavefurinn. 15. sep. 2004. Vefsíða. 31. maí. 2020. <http://visindavefur.is/svar.php?id=4511>.

Chicago | APA | MLA

Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Geta börn sem fæðast heilbrigð fengið Down-heilkenni?
Down-heilkenni (e. Down's syndrome) er erfðagalli sem stafar af því að aukalitningur er til staðar í frumum líkamans. Í flestum tilfellum er manneskja með 46 litninga í 23 pörum en einstaklingar með Down-heilkenni hafa þrjú eintök af litningi 21 og eru því alls með 47 litninga.

Aukalitninginn má rekja til mistaka við myndun annarrar kynfumunnar, í flestum tilfellum eggsins, sem hefur þá tvö eintök af litningi 21. Okfruman sem verður til þegar slík kynfruma tekur þátt í frjóvgun hefur þrjú eintök af litningi 21 í stað tveggja og barnið sem upp af henni vex verður með Down-heilkenni. Hægt er að lesa meira um kynfrumur og okfrumur í svari Þuríðar Þorbjarnardóttur við spurningunni Hvernig verðum við til?

Það hvort einstaklingur er með Down-heilkenni eða ekki ræðst því við getnað og breytist ekki eftir það.

Nánar má lesa um Down-heilkenni í svari Þuríðar Þorbjarnardóttur við spurningunni Er Down-heilkenni til hjá öllum kynþáttum? og í svari Hans Tómasar Björnssonar við spurningunni Hverjar eru líkur á því að barn fæðist með Down-heilkenni?...