Í hvaða trúfélögum eru Íslendingar?

Nafn þitt

Netfang þitt

Netfang móttakanda

Ruslpóstvörn =

Svar

Í hvaða trúfélögum eru Íslendingar?
Samkvæmt tölum Hagstofunnar voru 58 trú- og lífsskoðunarfélög löglega skráð hér á landi þann 1. janúar 2023. Í töflunni hér fyrir neðan eru þessi félög talin upp og tiltekinn sá fjöldi sem skráður er í hvert trúfélag eða lífsskoðunarfélag, sem og hlutfall þessa fjölda af heildarfjölda Íslendinga.^[1] Upplýsingarnar eru fengnar af vef Hagstofu Íslands og miðast við mannfjöldatölur 1. janúar 2023 en þá voru Íslendingar 387.758 talsins.

Trúfélög	Fjöldi	Hlutfall af heild
Þjóðkirkjan	227.259	58,61%
Kaþólska kirkjan	14.869	3,83%
Fríkirkjan í Reykjavík	9.953	2,57%
Fríkirkjan í Hafnarfirði	7.509	1,94%
Ásatrúarfélagið	5.770	1,49%
Siðmennt	5.401	1,39%
Óháði söfnuðurinn	3.166	0,82%
Hvítasunnukirkjan á Íslandi	2076	0,54%
Búddistafélag Íslands	1101	0,28%
Rússneska rétttrúnaðarkirkjan	783	0,20%
Kirkja sjöunda dags aðventista á Íslandi	598	0,15%
Félag Múslima á Íslandi	569	0,15%
Vottar Jehóva	565	0,15%
Stofnun Múslima á Íslandi	551	0,14%
Zuism	525	0,14%
Vegurinn	441	0,11%
ICCI	409	0,11%
Serbneska rétttrúnaðarkirkjan	391	0,10%
Smárakirkja	363	0,09%
Bahá'í samfélagið	324	0,08%
Hjálpræðisherinn trúfélag	241	0,06%
Íslenska Kristskirkjan	231	0,06%
Zen á Íslandi - Nátthagi	207	0,05%
DíaMat	192	0,05%
Catch The Fire (CTF)	191	0,05%
SGI á Íslandi	158	0,04%
Kirkja Jesú Krists hinna síðari daga heilögu	141	0,04%
Betanía	136	0,04%
Wat Phra Dhammakaya búddistasamtökin á Íslandi	131	0,03%
Boðunarkirkjan	118	0,03%
Alþjóðleg kirkja Guðs og embætti Jesú Krists	113	0,03%
Fríkirkjan Kefas	95	0,02%
Lakulish jóga á Íslandi	60	0,02%
Heimakirkja	59	0,02%
Emmanúel baptistakirkjan	55	0,01%
Menningarfélag Gyðinga á Íslandi	55	0,01%
Fyrsta baptistakirkjan	51	0,01%
Félag Tíbet búddista	45	0,01%
Demantsleið Búddismans	38	0,01%
Himinn á jörðu	37	0,01%
Reykjavíkurgoðorð	36	0,01%
Sjónarhæðarsöfnuðurinn	35	0,01%
Lífspekifélag Íslands	28	0,01%
Bænahúsið	26	0,01%
Samfélag trúaðra	24	0,01%
Kirkja hins upprisna lífs	22	0,01%
Eþíópíska Tewahedo rétttrúnaðarkirkjan á Íslandi	22	0,01%
Endurfædd kristin kirkja	21	0,01%
Ísland kristin Þjóð	19	0,00%
Fjölskyldusamtök heimsfriðar og sameiningar	16	0,01%
Ananda Marga	10	0,00%
Nýja Avalon	5	0,00%
Vitund	3	0,00%
Orð lífsins	0	0
Kletturinn - kristið samfélag	0	0
Menningarsetur múslina á Íslandi	0	0
Vonarhöfn	0	0
Postulakirkjan Beth-Shekhinah	0	0
Utan trú- og lífsskoðunarfélaga	29.883	7,71%
Önnur trúfélög og ótilgreint*	72.631	18,73%
Samtals	348.450	100%

*Þeir sem teljast til trúfélags sem hefur ekki verið viðurkennt, til trúarbragða án trúfélags hér á landi eða þeir sem upplýsingar vantar um eru taldir saman undir þessum lið.

Í töflunni sést vel hvernig dreifingin er milli trúarsafnaða á Íslandi. Meginþorri landsmanna er skráður í þjóðkirkjuna en hún telst vera kristin kirkja, nánar tiltekið evangelísk lúthersk. Fjölmargir aðrir kristnir söfnuðir eru þó skráðir hér á landi og því er erfitt að segja nákvæmlega til um það hversu margir teljast vera kristnir á landinu. Jafnframt er töluverður hluti landsmanna ótilgreindur eða í öðrum trúfélögum, eða 18,73%, sem gæti enn frekar haft áhrif á þessar tölur. Þetta gæti að sama skapi haft áhrif á raunverulegan fjölda annarra trúarhópa.

Það sem er jafnframt áberandi við þessa upptalningu er að mikill fjöldi Íslendinga aðhyllist enga trú, en 7,71% landsmanna skráir að þeir standi utan allra trúfélaga.

Þótt þetta yfirlit sýni hvernig landsmenn skiptast í mismunandi trúfélög er annað mál hvort þetta gefi einhverja mynd af trúariðkun Íslendinga. Trúariðkun fólks er sennilega eins misjöfn og við erum mörg og því er erfitt að meta það hvenær trúin telst í heiðri höfð.

Tilvísun:

1. ^ Þegar leitað er eftir upplýsingum um trúfélög á vef Hagstofunnar geta líka komið upp upplýsingar um fjölda þeirra sem greiða sóknargjöld. Sú tala er aðeins lægri en fjöldi þeirra sem skráður er í trúfélög. Ástæðan er sú að tölur um greiðendur sóknargjalda ná til þeirra sem orðnir eru 16 ára en yngri börn ekki tekin með.

---

Athugasemd ritstjórnar: Svarið var upphaflega skrifað 4.6.2008 en uppfært af ritstjórn þann 24.5.2024 með tölum frá 1.1.2023.

Upphaflega hljóðaði spurningin svona:

Hve mörg prósent af Íslendingum halda uppá Ásatrú, Kristna trú, Búddatrú, Gyðinga, Múslima og Baháí?

...