Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Hvað fara geitungar yfirleitt langt frá búi sínu í fæðuleit?

Það fer eftir aðstæðum hversu langt geitungar fara frá búum sínum í leit að fæðu. Til dæmis skiptir máli hversu stutt er í fæðuna. Samkvæmt reynslu erlendis frá geta geitungar farið allt að 500 metra frá búinu í fæðuleit. Ef sést til geitunga og leita á að búinu getur leitarsvæðið því verið nokkuð stórt. Það eru þó til ráð sem auðvelda fólki að staðsetja geitungabú.



Geitungabú nálægt híbýlum eru sjaldnast gleðiefni.

Best er að staðsetja geitungabú um hádaginn á lygnum sólardögum þar sem þernurnar eru hvað iðnastar við þær aðstæður. Yfirleitt er flugstefnan hjá þeim bein þannig að þær fara stystu leið í búið frá fæðustöðvunum.

Gott getur verið að koma fyrir fæðu á ýmsum stöðum til þess að ákvarða úr hvaða stefnu geitungarnir koma til að sækja sér mat. Þegar þeir fara til baka er jafnvel hægt að fara í humátt á eftir þeim en að sjálfsögðu þarf að fara mjög varlega og gæta þess að börn eða gæludýr séu ekki nærri.

Staðsetning geitungabúa fer mjög eftir því hvaða geitungategund er um að ræða. Trjágeitungar gera sér oft bú á trjágreinum eða girðingum og geta búin verið mjög áberandi. Bú holugeitunga eru sjaldnast sýnileg, oft hverfa þeir ofan í holu í jörðinni eða inn undir þakskegg.

Ef menn finna geitungabú er öruggast að hafa samband við meindýraeyði til þess að ganga frá því.

Frekari fróðleikur um geitunga á Vísindavefnum:

Mynd:


Í heild sinni hljóðaði spurningin svona:
Hvað fara geitungar yfirleitt langt frá búi sínu í fæðuleit, þeir eru hér til mikilla leiðinda, hvað þarf leitarradíusinn að vera stór?

Útgáfudagur

13.8.2008

Spyrjandi

Sigurður Helgason

Höfundur

Jón Már Halldórsson

líffræðingur

Tilvísun

Jón Már Halldórsson. „Hvað fara geitungar yfirleitt langt frá búi sínu í fæðuleit?“ Vísindavefurinn, 13. ágúst 2008. Sótt 23. nóvember 2017. http://visindavefur.is/svar.php?id=48326.

Jón Már Halldórsson. (2008, 13. ágúst). Hvað fara geitungar yfirleitt langt frá búi sínu í fæðuleit? Vísindavefurinn. Sótt af http://visindavefur.is/svar.php?id=48326

Jón Már Halldórsson. „Hvað fara geitungar yfirleitt langt frá búi sínu í fæðuleit?“ Vísindavefurinn. 13. ágú. 2008. Vefsíða. 23. nóv. 2017. <http://visindavefur.is/svar.php?id=48326>.

Chicago | APA | MLA

Sendu inn spurningu
eða

Vísindadagatalið

Úlfaldar

Til úlfalda teljast tvær tegundir, kameldýr og drómedarar. Kameldýr hafa tvo hnúða á baki en drómedarar aðeins einn. Það er algengur misskilningur að hnúðarnir séu fylltir vökva og nýtist þess vegna sem hálfgerð vatnstunna í neyð. Í hnúðunum er fita sem dýrin geta umbreytt í næringu þegar lítið er um mat. Hjá kameldýrum getur hvor hnúður innihaldið allt að 36 kg af fitu.