Af hverju er talað um að menn séu apar?

Nafn þitt

Netfang þitt

Netfang móttakanda

Ruslpóstvörn =

Svar

Af hverju er talað um að menn séu apar?
Það er ekki alveg ljóst við hvað spyrjandi á við. Stundum segjum við að einhver sé algjör api eða algjör asni og þá meinum við það ekki bókstaflega heldur eignum við viðkomandi eiginleika sem við teljum að tilheyri þessum dýrategundum.

Svo gæti verið að spyrjandi sé að velta því fyrir sér hvort menn og mannapar, eins og til dæmis simpansar, séu í raun svo líkir að um eina tegund sé að ræða. Við því er til einfalt svar, menn og simpansar eru tvær ólíkar tegundir en samkvæmt skilningi líffræðinnar er tegund hópur lífvera sem eru eins í meginatriðum og geta átt saman frjó afkvæmi.

Þú og þessir apar eigið ykkur sameiginlegan forföður, en menn eru ekki komnir af öpum.

Einnig gæti verið að spyrjandi sé að pæla í þróunarkenningu Darwins. Samkvæmt henni eiga menn og apar sér sameiginlega forfeður enda er allt líf á jörðinni komið af einni rót. Mennirnir eru hins vegar ekki komnir af öpum eins og stundum heyrist sagt.

Á Vísindavefnum eru mörg svör sem fjalla um þróun mannsins, þróunarkenninguna, Darwin og fleira sem minnst er á í þessu svari. Til frekari fróðleiks má til dæmis benda lesendum á svör við eftirfarandi spurningum:

• Sagt er að Guð hafi skapað Adam og Evu og líka sagt að mannkynið hafi þróast hægt af öðrum dýrum. Hvort er rétt? eftir Þorstein Vilhjálmsson
• Hvernig varð fyrsta konan eða maðurinn til? eftir Þorstein Vilhjálmsson
• Af hverju hafa ekki allar tegundir apa þróast alveg eins og menn? eftir ÞV
• Er þróunarkenningin bara kenning eða er hún staðreynd? eftir Steindór J. Erlingsson

Mynd: ABC News. Sótt 15. 8. 2008....