Skógarþekja Kanada er um 4,1 milljón ferkílómetrar eða rúmlega 40% af flatarmáli landsins sem er næst stærsta ríki heims. Af þessu víðáttumikla skóglendi eru um 900 þúsund ferkílómetra svæði friðað og 2,4 milljón ferkílómetra svæði nýtt í skógariðnað, en skógariðnaður Kanadamanna er sá umfangsmesti í heiminum. Velta hans árið 2000 var rúmir 70 milljarðar bandaríkjadala eða um 8.750 milljarðar íslenskra króna miðað við að dalurinn er 125 íslenskar krónur! Þess má geta að heildaraflaverðmæti íslensks sjávarafla árið 2007 var rúmlega 80 milljarðar íslenskra króna á þávirði. Með réttu má segja að barrskógar Kanada séu þriðja stærsta skóglendi í heimi á eftir rússneska barrskógabeltinu og Amason-regnskógum Suður-Ameríku. Frekara lesefni á Vísindvaefnum:
- Hvenær verða tré að skógi? eftir Jón Gunnar Þorsteinsson
- Hver er þriðji stærsti skógur Íslands? eftir Þröst Eysteinsson
- Er til einhver skógur frá landnámsöld á Íslandi? eftir Bjarka Þór Kjartansson og Ólaf Eggertsson
- Wikimedia.org. Sótt 9.2.1009.