Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvar búa flestir frumbyggjar Ástralíu?

Talið er að frumbyggjar Ástralíu hafi verið á bilinu 315.000-1.000.000 fyrir komu hvítra manna. Eins og víða annars staðar fækkaði frumbyggjum eftir að Evrópumenn settust að í landi þeirra og hélt sú þróun áfram fram á 20. öldina; talið er að í kringum 1920 hafi fjöldi þeirra verið kominn niður í 72.000. Síðustu áratugi hefur hins vegar orðið viðsnúningur þar á og þeim sem teljast til frumbyggja fjölgað.

Út frá manntalsgögnum er áætlað að árið 2006 hafi 517.200 Ástralar talist til frumbyggja eða sem nemur 2,5% af íbúum landsins. Á kortinu hér fyrir neðan má sjá hvernig frumbyggjar dreifast um Ástralíu en flestir eru þeir á austurströnd landsins, í fylkjunum Nýja Suður-Wales (148.200 eða 29%) og Queensland (146.400 eða 28%).



Dreifing ástralskra frumbyggja árið 2006.

Norðurhéraðið sker sig hins vegar úr ef skoðað er hversu hátt hlutfall frumbyggjar eru af heildaríbúafjölda. Þar eru þeir um 32% íbúanna en í öðrum fylkjum landsins er hlutfall þeirra alls staðar undir 4%.

Frekari fróðleikur á Vísindavefnum:

Heimildir og kort:

Útgáfudagur

3.8.2010

Spyrjandi

Sigrún Hilmarsdóttir

Höfundur

Tilvísun

EDS. „Hvar búa flestir frumbyggjar Ástralíu?“ Vísindavefurinn, 3. ágúst 2010. Sótt 14. desember 2019. http://visindavefur.is/svar.php?id=55690.

EDS. (2010, 3. ágúst). Hvar búa flestir frumbyggjar Ástralíu? Vísindavefurinn. Sótt af http://visindavefur.is/svar.php?id=55690

EDS. „Hvar búa flestir frumbyggjar Ástralíu?“ Vísindavefurinn. 3. ágú. 2010. Vefsíða. 14. des. 2019. <http://visindavefur.is/svar.php?id=55690>.

Chicago | APA | MLA

Sendu inn spurningu
eða

Vísindadagatalið

Ólöf Guðný Geirsdóttir

1968

Ólöf Guðný Geirsdóttir er dósent í næringarfræði við Matvæla- og næringarfræðideild HÍ. Meginviðfangsefni hennar eru næringarástand aldraðra ásamt rannsóknum á áhrifum næringar á farsæla öldrun.