Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvað stendur „band“ fyrir í bandbrjálaður?

Band- í orðum eins og bandvitlaus, bandbrjálaður, bandóður er svokallaður herðandi forliður. Hann er leiddur af nafnorðinu band ‛eitthvað til að binda með, snæri, fjötur, haft’ og vísar til þess er menn, sem misstu stjórn á sér og urðu alveg ærir voru settir í bönd, fjötraðir, þar til æðið rann af þeim. Í dag mundi lögregla setja slíkan mann í handjárn.

Forliðurinn er nú notaður í almennari merkingu og orðin sem nefnd voru hér að framan notuð bæði um þá sem taka æðiskast og eins um þá sem hegða sér verulega óvarlega. Ef einhver hættir sér til dæmis fram á hengiflug eða klifrar í klettum án búnaðar er sagt: „Er maðurinn bandvitlaus (bandbrjálaður, bandóður).“

Frekara lesefni á Vísindavefnum:

Mynd:

Útgáfudagur

1.2.2011

Spyrjandi

Bergþóra Thea Birgisdóttir, f. 2010

Höfundur

Guðrún Kvaran

prófessor

Tilvísun

Guðrún Kvaran. „Hvað stendur „band“ fyrir í bandbrjálaður?“ Vísindavefurinn, 1. febrúar 2011. Sótt 18. júlí 2018. http://visindavefur.is/svar.php?id=57870.

Guðrún Kvaran. (2011, 1. febrúar). Hvað stendur „band“ fyrir í bandbrjálaður? Vísindavefurinn. Sótt af http://visindavefur.is/svar.php?id=57870

Guðrún Kvaran. „Hvað stendur „band“ fyrir í bandbrjálaður?“ Vísindavefurinn. 1. feb. 2011. Vefsíða. 18. júl. 2018. <http://visindavefur.is/svar.php?id=57870>.

Chicago | APA | MLA

Sendu inn spurningu
eða

Vísindadagatalið

Súkkulaði

Súkkulaði er gert úr kakóbaunum sem vaxa í fræpokum á kakótrénu. Evrópubúar kynntust súkkulaði fyrst hjá frumbyggjum Mið-Ameríku sem höfðu þekkt það í þúsundir ára og neyttu þess í formi súkkulaðidrykkjar. Um miðja 19. öld tóku menn upp á því að vinna kakósmjör úr kakóbaunum og þá var fyrst hægt að framleiða súkkulaði á föstu formi eins og við þekkjum það í dag.