Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Getur fóstur í móðurkviði gefið frá sér hljóð?

Fóstur í móðurkviði þroskast innan í líknarbelgnum sem er fullur af legvökva og er staðsettur inni í legi móðurinnar. Fóstrið þroskast því inni í vökvafylltu rými þar sem loft kemst ekki að. Loftskipti fóstursins fara fram í gegnum blóðrás móður, en þaðan fær það einnig næringu sína.

Raddböndin byrja að þroskast þegar fóstrið er aðeins um 10 vikna, en þar sem ekkert loft kemst að þeim geta þau ekki gefið frá sér neitt hljóð. Í svari Emilíu Dagnýjar Sveinbjörnsdóttur og Þorsteins Vilhjálmssonar við spurningunni Hvers vegna breytist röddin í fólki sem andar að sér helíngasi? segir um raddböndin:
Raddböndin eru tvær aðskildar himnur eða þykkildi í barkakýlinu í hálsinum. Brjósk og vöðvar stjórna því hvort og þá hversu mikil glufa er milli raddbandanna, hver lögun þeirra er og hvort þau eru slök eða stríð. Þegar loft þrýstist gegnum barkakýlið og raddböndin liggja þétt hvort að öðru titra þau en við það myndast hljóð sem mótast síðan frekar af tungunni og hljóðholinu í hálsi og munni.
Það er því ljóst að ekkert hljóð heyrist frá börnum fyrr en eftir að þau eru komin út í andrúmsloftið. Um leið og börn fæðast þurfa þau að fara að anda af sjálfsdáðum og það þarf því að losa um slím og legvatn sem liggur í munnholi og lungum. Um leið og búið er að losa um og loft kemst greiðlega ofan í lungun má venjulega heyra börnin gráta í fyrsta skiptið, en loft er þá einnig farið að leika um raddböndin.



Fóstur þroskast inni í líknarbelgnum sem er fullur af legvatni

Kona á meðgöngu finnur hins vegar mikið fyrir barni sínu þó að ekkert heyrist í því. Hún finnur til dæmis þegar það hreyfir sig, sparkar eða fær hiksta. Þegar konur fara í mæðraskoðun má svo heyra í sónartækinu ýmis líkamshljóð sem mannlegt eyra greinir ekki. Þá má til dæmis greina hjartsláttinn og einnig heyrist ef barnið er með hiksta.

Þó fóstrið sé í mjög vernduðu umhverfi í leginu að þá er það ekki algjörlega einangrað frá umheiminum. Fjölmargar rannsóknir hafa sýnt fram á að fóstur heyra hin ýmsu umhverfishljóð. Þar er rödd móðurinnar mest ríkjandi en einnig getur barnið heyrt aðrar raddir, umhverfishávaða og jafnvel skynjað hátíðinihljóð.

Frekara lesefni á Vísindavefnum:

Nánari upplýsingar má finna með því að nota leitarvél Vísindavefsins eða smella á efnisorðin hér fyrir ofan.

Útgáfudagur

5.4.2006

Spyrjandi

Rósa Tryggvadóttir, f. 1993

Höfundur

Margrét Björk Sigurðardóttir

líffræðingur

Tilvísun

MBS. „Getur fóstur í móðurkviði gefið frá sér hljóð?“ Vísindavefurinn, 5. apríl 2006. Sótt 22. júlí 2019. http://visindavefur.is/svar.php?id=5793.

MBS. (2006, 5. apríl). Getur fóstur í móðurkviði gefið frá sér hljóð? Vísindavefurinn. Sótt af http://visindavefur.is/svar.php?id=5793

MBS. „Getur fóstur í móðurkviði gefið frá sér hljóð?“ Vísindavefurinn. 5. apr. 2006. Vefsíða. 22. júl. 2019. <http://visindavefur.is/svar.php?id=5793>.

Chicago | APA | MLA

Sendu inn spurningu
eða

Vísindadagatalið

Anna Ingólfsdóttir

1952

Anna Ingólfsdóttir er prófessor í tölvunarfræði við HR og er einn af forstöðumönnum rannsóknaseturs í fræðilegri tölvunarfræði við sama skóla. Sérsvið Önnu er fræðileg tövunarfræði með áherslu á merkingafræði og réttleika gagnvirkra og samsíða hugbúnaðakerfa.