Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvers vegna heitir himbrimi því nafni?

Uppruni orðsins himbrimi er óviss sem og hliðarmyndanna heimbrimi og himbríni. Í Íslenskri orðsifjabók (1989:327) rekur Ásgeir Blöndal Magnússon skyldleika við norræn og vesturgermönsk mál og segir fyrri liðinn hugsanlega skyldan nafnorðinu híma í merkingunni ‛þunn skýjaslæða’ og færeysku hím ‛dauft ljós, fölt blik’ og vísi þá til hins ljósa litar fuglsins.

Himbrimi (Gavia immer).

Í bókinni Fuglar í náttúru Íslands eftir Guðmund P. Ólafsson (2005:153) er bent á að sumum þyki þessi skýring langsótt og vilji tengja fyrri liðinn við himin og heima en síðari liðinn við brína eða breima. „Fuglsheitið væri þá dregið af söng hans: Sá sem breimar eða brínir raustina heima eða (um himininn) svo að hann heyrist langt að.“ Allt er þetta óvíst. Vissulega heyrist vel í fuglinum og hann brýnir sannarlega raustina. Þegar hann gólar á vatni þykir það benda til vætu en góli hann á flugi á hann von á að hvessi.

Mynd:

Spurningin í heild sinni hljóðaði svo:
Hvers vegna heitir himbrimi himbrimi? Hvað þýðir þetta og hvaðan kemur það?

Útgáfudagur

29.6.2011

Spyrjandi

Berglind Pétursdóttir, f. 1999

Höfundur

Guðrún Kvaran

prófessor

Tilvísun

Guðrún Kvaran. „Hvers vegna heitir himbrimi því nafni?“ Vísindavefurinn, 29. júní 2011. Sótt 20. september 2017. http://visindavefur.is/svar.php?id=59557.

Guðrún Kvaran. (2011, 29. júní). Hvers vegna heitir himbrimi því nafni? Vísindavefurinn. Sótt af http://visindavefur.is/svar.php?id=59557

Guðrún Kvaran. „Hvers vegna heitir himbrimi því nafni?“ Vísindavefurinn. 29. jún. 2011. Vefsíða. 20. sep. 2017. <http://visindavefur.is/svar.php?id=59557>.

Chicago | APA | MLA

Sendu inn spurningu
eða

Vísindadagatalið

Kjarnorka

Kjarnorka er langöflugasta náttúrulega orkulindin sem til er. Hún á upptök sín í atómkjörnunum. Kjarnorka sólarinnar gerir líf á jörðinni mögulegt. Menn hafa nýtt kjarnorku á ýmsa vegu. Í kjarnorkuverum er keðjuverkandi kjarnaklofnun notuð til að framleiða gufu sem er síðan látin knýja hverfla til rafmagnsframleiðslu. Kjarnorka verður annars vegar til við klofnun þyngstu atómkjarna og hins vegar við samruna léttustu kjarnanna.