Stunda dýr sjálfsfróun eða er maðurinn eina dýrategundin sem gerir það?

Nafn þitt

Netfang þitt

Netfang móttakanda

Ruslpóstvörn =

Svar

Stunda dýr sjálfsfróun eða er maðurinn eina dýrategundin sem gerir það?
Sjálfsfróun hefur verið skráð hjá fjölmörgum dýrategundum. Vísindamenn og aðrir sem fylgjast með dýrum hafa aðallega séð spendýr (Mammalia) fróa sér. Meðal annars hafa dýr með loppur, svo sem hundar, kettir, ljón, jarðíkornar og fleiri dýr, sést liggja á bakinu og nudda kynfæri sín. Einnig hefur sést til hreyfadýra við sams konar iðju, til dæmis rostunga (Odobenus rosmarus) og sela (Phocidae).

Sjálfsfróun hefur sennilega verið best lýst hjá prímötum. Þeir hafa meðal annars gert sér „verkfæri“ til að nudda við kynfæri sín. Um sjálfsfróun hófdýra (Perissodactyla), eins og asna (Equus africanus asinus) og hesta (Equus ferus caballus) er töluvert mikið vitað. Sjálfsfróun fola þessara tegunda hefur verið rannsökuð ágætlega en folarnir nudda getnaðarlimnum við kviðinn. Hjá öpum, til dæmis simpönsum (Pan troglodytes), er sjálfsfróun þekkt atferli. Fjölmargar viðamiklar atferlisrannsóknir staðfesta að simpansarnir fara líkt að og bæði kyn mannsins.

Kvenkyns simpansi að fróa sér.

Því fer þó fjarri að spendýr séu eini hópur dýra sem fróar sér. Fuglar stunda til að mynda sjálfsfróun. Einhverjir eigendur páfagauka eða gára eða annarra búrfugla hafa eflaust séð fuglana sína nudda þarfaganginn upp við hluti í búrinu. Skjaldbökur gera slíkt hið sama og sjálfsagt finnst þetta hátterni mun víðar í náttúrunni.

En hvers vegna stunda dýr sjálfsfróun? Sennilega gera dýrin það einfaldlega af sömu ástæðu og mennirnir, enda liggur þessi þörf djúpt í dýrum, þörfin fyrir æxlun og unaðinn sem leiðir af sjálfsfróun.

Heimildir:

• McDonnell, Sue. Spontaneus Erection and Masturbation in Equids. Skoðað 5.10.2011.
• Frans de Waal. Chimpanzee Politics: Power and Sex among Apes. JHU Press. New York. 2004.

Mynd:

• Kiss. Sótt 5.10.2011.

...