Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Í heila okkar er eitthvað sem heitir á fræðimáli corpus callosum, hvað er það?

Það sem kallast corpus callosum á fræðimáli eru hvelatengsl á íslensku.

Þverskurðarmynd af heila í manni sem sýnir staðsetningu corpus callosum eða hvelatengsla.

Í heilanum á okkur eru tveir helmingar sem kallast vinstra og hægra heilahvel (e. hemisphere). Hvort hvel um sig stjórnar andstæðum hluta líkamans. Hægra heilahvelið sendir til dæmis hreyfiboð til vinstri hluta líkamans. Boð frá skynfærum berast einnig fyrst til andstæðs heilahvels. Sjónboð frá vinstra sjónsviði berast fyrst til hægra heilahvels.

Heilahvelin vinna þó ekki sitt í hvoru lagi heldur senda þau skilaboð sín á milli. Skilaboðin fara um hvelatengslin. Tengslin eru gerð úr svonefndri heilahvítu sem er mynduð úr mýldum taugaþráðum en um þá er hægt að lesa meira í svari Þuríðar Þorbjarnardóttur við spurningunni Hvað getið þið sagt mér um myndun og mikilvægi mýlis?

Heimild:

Útgáfudagur

27.10.2011

Spyrjandi

Vífill Harðarson, f. 1998

Höfundur

Tilvísun

JGÞ. „Í heila okkar er eitthvað sem heitir á fræðimáli corpus callosum, hvað er það?“ Vísindavefurinn, 27. október 2011. Sótt 24. september 2017. http://visindavefur.is/svar.php?id=60849.

JGÞ. (2011, 27. október). Í heila okkar er eitthvað sem heitir á fræðimáli corpus callosum, hvað er það? Vísindavefurinn. Sótt af http://visindavefur.is/svar.php?id=60849

JGÞ. „Í heila okkar er eitthvað sem heitir á fræðimáli corpus callosum, hvað er það?“ Vísindavefurinn. 27. okt. 2011. Vefsíða. 24. sep. 2017. <http://visindavefur.is/svar.php?id=60849>.

Chicago | APA | MLA

Sendu inn spurningu
eða

Vísindadagatalið

Röntgengeisli

Röntgengeislar eru rafsegulgeislun með afar lítilli bylgjulengd og hárri tíðni. Þeir draga nafn sitt af þýska eðlisfræðingnum Wilhelm Röntgen (1845–1923) sem uppgötvaði þá fyrstur. Notkun röntgengeisla til sjúkdómsgreiningar og meðferðar í læknisfræði varð fljótt að sérgrein innan læknisfræðinnar. Fyrsta eiginlega röntgenmyndin var tekin 22. desember 1895. Hún er af hendi Önnu Berthu, konu Röntgens.