Er hægt að borða háhyrninga?

Nafn þitt

Netfang þitt

Netfang móttakanda

Ruslpóstvörn =

Svar

Er hægt að borða háhyrninga?
Já, það er vel hægt að borða háhyrningakjöt. Höfundur þessa svars smakkaði eitt sinn háhyrning í veislu og getur því staðhæft að kjöt af þessum stórvaxna höfrungi bragðast ágætlega.

Háhyrningar (Orchinus orca) hafa í einhverjum mæli verið veiddir vegna kjötsins. Þeir hafa einnig verið fangaðir til sýningarhalds og eitthvað er um það að háhyrningar hafi verið drepnir til að koma í veg fyrir ágang við fiskveiðar.

Háhyrningur njóta takmarkaðrar verndar á heimsvísu. Tegundin kemur fyrir í viðauka II hjá CITES (e Convention on International Trade in Endangered Species of Wild Fauna and Flora) frá árinu 1979. Í viðaukanum eru tegundir tilgreindar sem kunna að verða í útrýmingarhættu ef alþjóðlegri verslun með þær er ekki stjórnað.

Alþjóðleg verslun með hvers kyns háhyrningaafurðir er heimiluð með því skilyrði að útflutningsleyfi sé fyrir hendi. Markaður fyrir kjöt eða aðrar afurðir háhyrninga er afar takmarkaður. Háhyrningar hafa meðal annars verið veiddir við Grænland, Japan, Rússland, Indónesíu og víða hjá þjóðum í Karíbahafinu. Það má til dæmis nefna að 43 háhyrningar voru veiddir árlega undan ströndum Japans árin 1946 til 1981 og sovésk hvalveiðiskip veiddu fáeina tugi dýra undan ströndum Suðurskautslandsins frá 1935 til 1981. Slíkar iðnaðarveiðar eru fyrir löngu aflagðar og nú eru háhyrningar aðeins veiddir örsjaldan.

Háhyrningar hafa misjafnt orð á sér meðal sjómanna. Á árum áður ollu þeir meðal annars reknetabátum umtalsverðum skaða þar sem þeir áttu það til að éta síld úr netunum og rífa net. Á 6. áratug síðustu aldar fengu Íslendingar hjálp frá varnarliðinu við að drepa háhyrninga sem ollu tjóni á reknetum suður af landinu. Einhver hundruð háhyrninga voru drepnir í þessari „herferð“. Ekki er undirrituðum kunnugt að dýrin hafi verið nýtt að einhverju leyti.

Engar rannsóknir hafa verið gerð á kjöti háhyrninga með tilliti til þungmálma en þar sem háhyrningar eru langlífar skepnur og éta fiskmeti og seli þá eru miklar líkur á því að þrávirk efnasambönd safnist upp í fituvef þeirra.

Mynd:

• Japanese whale industry's flagship restaurant to close - Telegraph. (Sótt 12. 8. 2013).

...