Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvort á maður að skrifa þegar sendar eru upplýsingar til þriðja aðila: 'ég sendi Jónu launaseðilinn sinn' eða 'ég sendi Jónu launaseðilinn hennar'?

Eignarfornöfn tákna eign einhvers eða umráð hans yfir einhverju. Þau eru minn, þinn og vor. Fornafnið sinn telst afturbeygt eignarfornafn. Afturbeygða eignarfornafnið er notað ef eigandinn er frumlagið í setningu. Dæmi:

a) Jón borðaði ísinn sinn.

Eigandinn er Jón, Jón er frumlag setningarinnar og sinn er afturbeygt eignarfornafn.

b) Jón borðaði ísinn hennar.

Jón er frumlag setningarinnar en hann átti ekki ísinn og því er ekki notað afturbeygt eignarfornafn heldur persónufornafnið hennar.

Þegar upplýsingar eru sendar til þriðja aðila er réttara er að segja 'ég sendi Jónu launaseðilinn hennar'.

Í dæmunum sem spurt var um er það Jóna sem á launaseðilinn, ekki frumlagið ég. Því er síðari setningin rétt, það er notkun persónufornafnsins hennar sem vísar til eigandans.

Mynd:

Útgáfudagur

10.7.2014

Spyrjandi

Hulda Stefánsdóttir

Höfundur

Guðrún Kvaran

prófessor

Tilvísun

Guðrún Kvaran. „Hvort á maður að skrifa þegar sendar eru upplýsingar til þriðja aðila: 'ég sendi Jónu launaseðilinn sinn' eða 'ég sendi Jónu launaseðilinn hennar'?“ Vísindavefurinn, 10. júlí 2014. Sótt 16. júlí 2018. http://visindavefur.is/svar.php?id=67436.

Guðrún Kvaran. (2014, 10. júlí). Hvort á maður að skrifa þegar sendar eru upplýsingar til þriðja aðila: 'ég sendi Jónu launaseðilinn sinn' eða 'ég sendi Jónu launaseðilinn hennar'? Vísindavefurinn. Sótt af http://visindavefur.is/svar.php?id=67436

Guðrún Kvaran. „Hvort á maður að skrifa þegar sendar eru upplýsingar til þriðja aðila: 'ég sendi Jónu launaseðilinn sinn' eða 'ég sendi Jónu launaseðilinn hennar'?“ Vísindavefurinn. 10. júl. 2014. Vefsíða. 16. júl. 2018. <http://visindavefur.is/svar.php?id=67436>.

Chicago | APA | MLA

Sendu inn spurningu
eða

Vísindadagatalið

Loftskip

Loftskip eru í meginatriðum loftbelgir sem hægt er að knýja áfram og stýra í þá stefnu sem menn vilja fara. Frakkinn Henri Giffard (1825–1882) smíðaði fyrsta loftskipið árið 1852. Fyrsta loftskipið með styrktargrind var smíðað af Þjóðverjanum Ferdinand von Zeppelin (1838–1917). Loftskipið Graf Zeppelin kom tvisvar til Íslands, 1930 og 1931.