Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Með hvaða sjúkdóm var Forrest Gump?

Forrest Gump er persóna sem leikarinn Tom Hanks lék í frægri kvikmynd frá árinu 1994. Myndin byggir á samnefndri bók eftir rithöfundinn Winston Groom. Þar sem Forrest Gump var ekki til í raun og veru er ekki hægt að sjúkdómsgreina hann.

Hins vegar er vel hægt að velta því fyrir sér hvernig hann væri greindur ef hann væri alvöru persóna. Víða á Netinu er hægt að finna vangaveltur af þessu tagi, þær er til dæmis hægt að skoða ef leitað er eftir orðunum forrest gump diagnosed.

Persónan Forrest Gump á hlaupum í samnefndri kvikmynd.

Í æsku virðist Gump hafa þjáðst af hryggskekkju (e. scoliosis) þótt það sjúkdómsheiti komi ekki beint fram. Margt í persónuleika hans virðist svo benda til að hann hafi verið einhverfur.

Ágætis lýsing á einhverfu er að finna í svari Heiðu Maríu Sigurðardóttur við spurningunni Hvort er talað um að fólk sé einhverft eða innhverft? Þar segir meðal annars.

Einhverfa (e. autism) er röskun sem talin er orsakast af afbrigðilegum þroska taugakerfisins. Einhverfir eiga í vandræðum með félagsleg samskipti og sækjast ekki eftir þeim. Þeir eiga oft í vandræðum með að tjá sig með orðum og um helmingur einhverfra þróar ekki með sér næga tungumálahæfni til að gera sig skiljanlega á þann hátt. Margir einhverfir hafa líka frekar furðuleg áhugamál og taka upp sérkennilegt hegðunarmynstur. Nokkuð algengt er að einhverfir greinist einnig greindarskertir.

Margt af þessu á ágætlega við um persónuna Forrest Gump. Til að mynda mælist hann lágt í greindarprófi en það á við um meirihluta einhverfra, þótt ákveðinn hópur þeirra hafi eðlilega greind og enn smærri hópur sé afburðagreindur. Ekki er líklegt að Gump hafi haft Aspergerheilkenni en það er ekki greint hjá þeim sem hafa skertan vitsmunaþroska.

Heimild og mynd:

Útgáfudagur

28.10.2014

Spyrjandi

Þorsteinn Magnússon, f. 2000

Höfundur

Tilvísun

JGÞ. „Með hvaða sjúkdóm var Forrest Gump?“ Vísindavefurinn, 28. október 2014. Sótt 25. febrúar 2018. http://visindavefur.is/svar.php?id=68411.

JGÞ. (2014, 28. október). Með hvaða sjúkdóm var Forrest Gump? Vísindavefurinn. Sótt af http://visindavefur.is/svar.php?id=68411

JGÞ. „Með hvaða sjúkdóm var Forrest Gump?“ Vísindavefurinn. 28. okt. 2014. Vefsíða. 25. feb. 2018. <http://visindavefur.is/svar.php?id=68411>.

Chicago | APA | MLA

Sendu inn spurningu
eða

Vísindadagatalið

Sigrún Lilja Einarsdóttir

1974

Sigrún Lilja Einarsdóttir er dósent og forseti félagsvísinda- og lagadeildar Háskólans á Bifröst og hefur stundað rannsóknir á sviði menningarstjórnunar og félagsfræði listgreina.