Hversu sönn er sagan af því að Einar Ben hafi selt norðurljósin?

Nafn þitt

Netfang þitt

Netfang móttakanda

Ruslpóstvörn =

Svar

Hversu sönn er sagan af því að Einar Ben hafi selt norðurljósin?
Spurningin í fullri lengd hljóðaði svona:

Oft heyrir maður og les að Einar Ben hafi ýmist selt eða reynt að selja norðurljósin. Hversu 'sönn' er þessi saga og hvaða heimildir eru til um þetta?

Á Vísindavefnum er til fjöldi svara um norðurljós enda ljóst að margir hafa áhuga á að vita sem mest um þau. Norðurljósin myndast þegar straumur rafeinda og róteinda frá sólinni rekst á köfnunarefnis- og súrefnissameindar í ysta lagi lofthjúpsins. Þau myndast einkum á kraga kringum segulpóla jarðar.

Margir hafa væntanlega heyrt þá sögu að Einar Benediktsson hafi reynt að selja norðurljósin. Vísindavefurinn leitaði ráða hjá Guðjóni Friðrikssyni, sem ritað hefur ævisögu Einars Benediktssonar í þremur bindum (1997, 1999, 2000), til að svara spurningunn. Í tölvuskeyti til Vísindavefsins segir Guðjón einfaldlega þetta:

Ég hef hvergi rekist á neinar heimildir um meinta sölu Einars á norðurljósum eða tilraunum hans í þá átt. Hins vegar var hann sölumaður af guðs náð, hugmyndaríkur með afbrigðum (hann sá oft möguleika þar sem aðrir sáu enga) og oft ósvífinn. Honum væri því vel trúandi til að hafa reynt þetta. En þangað til annað kemur í ljós verður að líta á þetta sem þjóðsögu.

Sala norðurljósanna virðist því einfaldlega vera flökkusaga eða þjóðsaga, að minnsta kosti þangað til annað kemur í ljós.

Mynd:

• File:Northern Lights 02.jpg - Wikipedia, the free encyclopedia. (Sótt 22.1.2015)

...