Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Árnastofnun - mynd í *Árnarstofnun

Hvað merkir orðið purkur hjá svefnpurkunum?

Orðið purka, sem er síðari liðurinn í orðinu svefnpurka, hefur fleiri en eina merkingu. Það getur merkt ‘gylta’ og ‘nirfill’, ‘eitthvað smávaxið’, til dæmis um smásilung, og er þá merkingu að finna í danska orðinu purk ‘smástrákur’ og í sænskum mállýskum í orðinu purka ‘stutt og digur kona’. En purka getur einnig merkt ‘vesældarleg og syfjuð manneskja’ og er það sú merking sem finna má í orðinu svefnpurka.


Hér er engu líkara en margar svefnpurkur séu staddar á leiðinlegum og þreytandi fundi.

Elsta dæmi Orðabókar Háskólans um svefnpurku er úr latnesk-íslenskri orðabók sem Jón Árnason, biskup í Skálholti, tók saman og gaf út 1738. Þar er við latneska orðið dormitor gefin merkingin ‘svefnpurka, sísofandi’ en sögnin dormio merkir ‘ég sef’. Hugsanlegt er að Jón hafi sjálfur búið til þessa samsetningu því að fjöldi íslenskra orða í bókinni er frá honum kominn.

Frekara lesefni á Vísindavefnum:

Mynd:

Útgáfudagur

21.2.2008

Spyrjandi

Drífa Magnúsdóttir

Höfundur

Guðrún Kvaran

prófessor

Tilvísun

Guðrún Kvaran. „Hvað merkir orðið purkur hjá svefnpurkunum?“ Vísindavefurinn, 21. febrúar 2008. Sótt 23. september 2018. http://visindavefur.is/svar.php?id=7082.

Guðrún Kvaran. (2008, 21. febrúar). Hvað merkir orðið purkur hjá svefnpurkunum? Vísindavefurinn. Sótt af http://visindavefur.is/svar.php?id=7082

Guðrún Kvaran. „Hvað merkir orðið purkur hjá svefnpurkunum?“ Vísindavefurinn. 21. feb. 2008. Vefsíða. 23. sep. 2018. <http://visindavefur.is/svar.php?id=7082>.

Chicago | APA | MLA

Sendu inn spurningu
eða

Vísindadagatalið

Þórdís Þórðardóttir

1951

Þórdís Þórðardóttir er dósent í uppeldis- og menntunarfræði við Háskóla Íslands. Rannsóknir hennar eru innan mennta,- menningar og kynjafræða.