Vísindavefurinn: Hver eru helstu heimkynni skriðdýra?

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Þegar fjallað er um fjölda skriðdýrategunda í heiminum er gjarnan vísað í upplýsingar úr skriðdýragagnagrunninum The Reptile Database sem starfræktur hefur verið í mörg ár. Samkvæmt nýjustu upplýsingum á þeim vef voru þekktar skriðdýrategundir í ágúst 2016 alls 10.450. Á hverju ári er nýjum tegundum lýst þannig að listinn heldur áfram að lengjast.

Á vefsíðunni er einnig að finna kort yfir fjölda skriðdýrategunda á skilgreindum svæðum. Kortið miðast við þekktar tegundir í ágúst 2015. Samkvæmt því finnast flestar skriðdýrategundirnar í Asíu eða rúmlega 2800. Rétt er að taka fram að þarna eru Austurlönd nær flokkuð sem sérsvæði en vissulega eru þau lönd líka í Asíu.

Fjöldi þekktra skriðdýrategunda eftir heimsálfum og svæðum. Sumar tegundir finnast á fleiri en einu svæði og eru því taldar oftar en einu sinni.

Næstflestar skriðdýrategundir finnast í Suður-Ameríku, tæplega 2.100. Þar skiptir miklu hið mjög svo fjölskrúðuga dýralíf Amasonsvæðisins. Þar á eftir kemur Afríka með rúmlega 1650 tegundir, Mið-Ameríka með um 1300 tegundir og Ástralía með rúmlega 1000 tegundir.

Þetta endurspeglar þá staðreynd að hitabeltis- og regnskógasvæði eru þau svæði jarðar þar sem flestar skriðdýrategundir er að finna en tegundunum fækkar eftir því sem fjær dregur miðbaug. Á vefsíðunni Mongbay.com er að finna lista yfir þau lönd þar sem flestar skriðdýrategundir lifa og eru upplýsingarnar fengnar úr áðurnefndum gagnagrunni. Samkvæmt þeim lista eru þau lönd sem eru ríkust af skriðdýrategundum eftirfarandi:

Land	Skiðdýrategundir
Ástralía	1038
Mexíkó	916
Brasilía	807
Indónesía	728
Indland	689
Kólumbía	601
Gínea	595
Bandaríkin	530
Malasía	484
Perú	480
Kína	478
Víetnam	463
Suður-Afríka	447
Ekvador	444
Argentína	437
Taíland	434
Madagaskar	414
Venesúela	405
Tansanía	359
Malí	356