Hvað eru til margar tegundir af skjaldbökum?

Nafn þitt

Netfang þitt

Netfang móttakanda

Ruslpóstvörn =

Svar

Hvað eru til margar tegundir af skjaldbökum?
Skjaldbökur eru frumstæð skriðdýr af ættbálknum Chelonia. Í dag er talið að þekktar skjaldbökutegundir séu alls 348 og 119 undirtegundir. Af þessum tegundum eru aðeins sjö tegundir svokallaðra sjávarblaka, aðrar lifa í fersku vatni eða á landi. Helsta einkenni skjaldbaka er vitanlega skjöldurinn sem umlykur skrokkinn. Ef hætta steðjar að skjaldbökum geta þær dregið bæði fætur og höfuð inn undir hann.

Þótt langflestar skjaldbökur lifi í votlendi í hitabeltinu finnast skjaldbökur í öllum heimsálfum nema Suðurskautslandinu. Þær finnast í graslendi í miðríkjum Bandaríkjanna, regnskógum Suðaustur-Asíu, staktrjáasléttum Afríku og í eyðimörkum Miðausturlanda.

Heimildir og mynd:

• Anders G.J. Rhodin o.fl. (2017). Turtles of the World: Annotated Checklist and Atlas of Taxonomy, Synonymy, Distribution, and Conservation Status (8th útg.). Conservation Biology of Freshwater Turtles and Tortoises: A Compilation Project of the IUCN/SSC Tortoise and Freshwater Turtle Specialist Group. Chelonian Research Monographs 7:1–292.
• Karen Eckert, David Gulko (2004). Sea Turtles: An Ecological Guide. Honolulu, Mutual Publishing.
• Carl J Franklin (2007). Turtles: An Extraordinary Natural History 245 Million Years in the Making. St. Paul, Voyageur Press.
• Eastern Painted Turtle (Chrysemys picta picta).jpg - Wikimedia Commons. (Sótt 6. 4. 2018).

...