Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er munurinn á suðurpólnum og Suðurskautslandinu?

Munurinn er sá að Suðurskautslandið er meginland en suðurpóllinn einn ákveðinn staður á þessu meginlandi.

Suðurskautslandið eða Antarktíka er meginland á syðsta hluta jarðarinnar. Það er um 14,4 milljón km2 að flatarmáli og fimmta í röðinni ef talið er frá stærstu heimsálfunni til þeirrar minnstu. Þetta er eina heimsálfan þar sem fólk hefur ekki fasta búsetu en þar dvelja þó alltaf vísindamenn við rannsóknarstörf.

Suðurpóllinn er hins vegar aðeins einn punktur þar sem möndull jarðar sker jörðina í suðri. Þessi punktur er einnig kallaður suðurskautið eða suðurheimskautið. Gagnstætt honum í norðri er norðurpóllinn eða norðurheimskautið.

Þar sem suðurpóllinn er á Suðurskautslandinu notar fólk stundum orðið suðurpóll þegar það á í raun við meginlandið en ekki þennan eina punkt.

Frekari fróðleikur á Vísindavefnum

Mynd: South Pole á Wikipedia. Sótt 12. 3. 2009.

Útgáfudagur

13.3.2009

Spyrjandi

Alexandra Kristjánsdóttir, f. 1996

Höfundur

Tilvísun

EDS. „Hver er munurinn á suðurpólnum og Suðurskautslandinu?“ Vísindavefurinn, 13. mars 2009. Sótt 22. september 2017. http://visindavefur.is/svar.php?id=51881.

EDS. (2009, 13. mars). Hver er munurinn á suðurpólnum og Suðurskautslandinu? Vísindavefurinn. Sótt af http://visindavefur.is/svar.php?id=51881

EDS. „Hver er munurinn á suðurpólnum og Suðurskautslandinu?“ Vísindavefurinn. 13. mar. 2009. Vefsíða. 22. sep. 2017. <http://visindavefur.is/svar.php?id=51881>.

Chicago | APA | MLA

Sendu inn spurningu
eða

Vísindadagatalið

Kóran

Múslímar telja að Kóraninn hafi vitrast Múhameð spámanni smám saman á um 20 ára tímabili, frá 609 til 632 að vestrænu tímatali. Helstu fyrirmæli Kóransins eru sameiginleg öllum múslímum, vitnisburðurinn um að aðeins sé til einn guð og Múhameð sé spámaður hans, bænahald fimm sinnum á dag, fastan í Ramadan-mánuðinum, ölmusugjafir, og loks pílagrímsförin til Mekka.