Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Kannist þið við orðið tíri/týri um timburstafla?

Spurningin í heild sinni hljóðaði svona:

Kannist þið við orðið tíri/týri um timburstafla (stæða af borðum t.d. 1"x 6")? Heyrði þetta fyrst í byggingavinnu um 1962.

Hvergi hef ég fundið orðið tíri eða týri í þeirri merkingu sem um var spurt. Ég hef spurt nokkra sem unnu í byggingarvinnu á sjöunda áratug síðustu aldar en enginn þeirra mundi eftir orðinu og ekki hefur það komist í orðabækur eftir því sem ég fæ séð.

Ekki hafa fundist heimildir um notkun orðsins tíri/týri um timburstafla.

Orðið tyri eða tyrviður var hins vegar til í fornu máli um kvoðuríkan furu- eða grenivið (Íslensk orðsifjabók 1989:1076). Hann var mjög eldfimur og gjarnan notaður í blys. Líklegt er að tengsl séu á milli þessara orða og þess sem spurt var um. Til er orðasamband í fornu máli, vera kominn á týratré, í merkingunni að vera í nauðum, að þrotum kominn, sem ég tel líklegt að tengist líka. Ef einhverjir þekkja orðin tíri eða týri væri gott að frétta af því og ég mun halda áfram að leita.

Mynd:

Útgáfudagur

10.8.2018

Spyrjandi

Birgir Baldursson

Höfundur

Guðrún Kvaran

prófessor

Tilvísun

Guðrún Kvaran. „Kannist þið við orðið tíri/týri um timburstafla?“ Vísindavefurinn, 10. ágúst 2018. Sótt 16. ágúst 2018. http://visindavefur.is/svar.php?id=75640.

Guðrún Kvaran. (2018, 10. ágúst). Kannist þið við orðið tíri/týri um timburstafla? Vísindavefurinn. Sótt af http://visindavefur.is/svar.php?id=75640

Guðrún Kvaran. „Kannist þið við orðið tíri/týri um timburstafla?“ Vísindavefurinn. 10. ágú. 2018. Vefsíða. 16. ágú. 2018. <http://visindavefur.is/svar.php?id=75640>.

Chicago | APA | MLA

Sendu inn spurningu
eða

Vísindadagatalið

Gullfótur

Áður fyrr voru margir gjaldmiðlar sagðir vera á gullfæti. Það merkir að sérhver peningaseðill eða mynt er ávísun á tiltekið magn af gulli. Síðasti gjaldmiðill sem verulegu máli skiptir fór endanlega af gullfæti 15. ágúst árið 1971. Þá lýsti Bandaríkjaforseti því yfir að ríkið myndi ekki lengur skipta á gulli og dollurum.