Sólin Sólin Rís 06:51 • sest 20:15 í Reykjavík
Tunglið Tunglið Rís 08:22 • Sest 03:06 í Reykjavík
Flóð Flóð Árdegis: 09:43 • Síðdegis: 22:07 í Reykjavík
Fjaran Fjara Árdegis: 03:40 • Síðdegis: 15:53 í Reykjavík

Hvað eru margir fuglar á Íslandi á veturna?

Kristinn Haukur Skarphéðinsson

Árstíðaskipti eru mjög eindregin á Íslandi eins og víðast hvar á norðlægum slóðum. Hér á landi verpa að jafnaði ríflega 80 tegundir varpfugla og er meirihluti þeirra (47) farfuglar, annað hvort að öllu (25 tegund) eða að mestu leyti (22 tegundir). Þessir fuglar yfirgefa landið síðsumars eða á haustin og dvelja vetrarlangt í öðrum löndum eða á úthafinu fjarri Íslandsströndum. Aðrar tegundir eru staðfuglar og þreyja hér veturinn að öllu (24 tegundir) eða mestu leyti (10 tegundir).

Um 56 tegundir íslenskra varpfugla hafa hér vetursetu í einhverjum mæli. Inni í þeirri tölu eru einnig þær tegundir sem eru farfuglar að mestu, til dæmis tjaldur og rauðhöfðaönd en vetrarstofnar þeirra hér skipta þúsundum fugla, þótt meirihlutinn fari af landi brott.[1] Auk þeirra koma hingað nokkrar tegundir vetrargesta, aðallega frá norðlægari löndum. Einnig má nefna flækingsfugla og ýmsar tegundir íslenskra varpfugla sem eru hér sárasjaldgæfar á veturna og mætti fremur kalla eftirlegukindur og sjást hér fram eftir desember og jafnvel lengur. Í vetrarfuglatalningum Náttúrufræðistofnunar Íslands kringum áramótin má því búast við um eða yfir 80 tegundum fugla. Reyndar hafa sést hátt í 140 tegundir í þessum talningum.

Um tvær milljónir fugla dvelja á Íslandi yfir vetrartímann. Mest er af æðarfugli (Somateria mollissima) eða um 850 þúsund fuglar.

Gróflega áætlað má ætla að hér dvelji að jafnaði um tvær milljónir fugla yfir háveturinn[2] og er þá átt við þær tegundir sem bundnar eru við land, fjöru og grunnsævi. Þetta eru aðallega æðarfuglar (um 850 þúsund), snjótittlingar (yfir 300 þúsund) og rjúpur (afar sveiflóttur stofn en oft mörg hundruð þúsund fuglar)[3]. Mun fleiri fuglar geta verið á hafinu umhverfis landið, það er í íslensku efnahagslögsögunni. Þetta eru tegundir eins og fýll, rita og ýmsar tegundir svartfugla. Stofnar þeirra eru hver um sig milljónir einstaklinga og eru það bæði íslenskir varpfuglar og eins fuglar annars staðar frá.

Tilvísanir:
  1. ^ Ferðir og vetrarstöðvar - Náttúrufræðistofnun Íslands.
  2. ^ Náttúrufræðistofnun Íslands, óbirt gögn.
  3. ^ Uppreiknað frá stofnmati sem tekið var saman af Náttúrufræðistofnun Íslands. Kristinn Haukur Skarphéðinsson, Borgný Katrínardóttir, Guðmundur A. Guðmundsson og Svenja N.V. Auhage 2016. Mikilvæg fuglasvæði á Íslandi. Fjölrit Náttúrufræðistofnunar nr. 55. Garðabær: Náttúrufræðistofnun Íslands.

Mynd:

Höfundur

Kristinn Haukur Skarphéðinsson

dýravistfræðingur hjá Náttúrufræðistofnun Íslands

Útgáfudagur

5.12.2019

Spyrjandi

Bjarni Ólafsson

Tilvísun

Kristinn Haukur Skarphéðinsson. „Hvað eru margir fuglar á Íslandi á veturna?“ Vísindavefurinn, 5. desember 2019. Sótt 30. mars 2020. http://visindavefur.is/svar.php?id=78253.

Kristinn Haukur Skarphéðinsson. (2019, 5. desember). Hvað eru margir fuglar á Íslandi á veturna? Vísindavefurinn. Sótt af http://visindavefur.is/svar.php?id=78253

Kristinn Haukur Skarphéðinsson. „Hvað eru margir fuglar á Íslandi á veturna?“ Vísindavefurinn. 5. des. 2019. Vefsíða. 30. mar. 2020. <http://visindavefur.is/svar.php?id=78253>.

Chicago | APA | MLA

Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað eru margir fuglar á Íslandi á veturna?
Árstíðaskipti eru mjög eindregin á Íslandi eins og víðast hvar á norðlægum slóðum. Hér á landi verpa að jafnaði ríflega 80 tegundir varpfugla og er meirihluti þeirra (47) farfuglar, annað hvort að öllu (25 tegund) eða að mestu leyti (22 tegundir). Þessir fuglar yfirgefa landið síðsumars eða á haustin og dvelja vetrarlangt í öðrum löndum eða á úthafinu fjarri Íslandsströndum. Aðrar tegundir eru staðfuglar og þreyja hér veturinn að öllu (24 tegundir) eða mestu leyti (10 tegundir).

Um 56 tegundir íslenskra varpfugla hafa hér vetursetu í einhverjum mæli. Inni í þeirri tölu eru einnig þær tegundir sem eru farfuglar að mestu, til dæmis tjaldur og rauðhöfðaönd en vetrarstofnar þeirra hér skipta þúsundum fugla, þótt meirihlutinn fari af landi brott.[1] Auk þeirra koma hingað nokkrar tegundir vetrargesta, aðallega frá norðlægari löndum. Einnig má nefna flækingsfugla og ýmsar tegundir íslenskra varpfugla sem eru hér sárasjaldgæfar á veturna og mætti fremur kalla eftirlegukindur og sjást hér fram eftir desember og jafnvel lengur. Í vetrarfuglatalningum Náttúrufræðistofnunar Íslands kringum áramótin má því búast við um eða yfir 80 tegundum fugla. Reyndar hafa sést hátt í 140 tegundir í þessum talningum.

Um tvær milljónir fugla dvelja á Íslandi yfir vetrartímann. Mest er af æðarfugli (Somateria mollissima) eða um 850 þúsund fuglar.

Gróflega áætlað má ætla að hér dvelji að jafnaði um tvær milljónir fugla yfir háveturinn[2] og er þá átt við þær tegundir sem bundnar eru við land, fjöru og grunnsævi. Þetta eru aðallega æðarfuglar (um 850 þúsund), snjótittlingar (yfir 300 þúsund) og rjúpur (afar sveiflóttur stofn en oft mörg hundruð þúsund fuglar)[3]. Mun fleiri fuglar geta verið á hafinu umhverfis landið, það er í íslensku efnahagslögsögunni. Þetta eru tegundir eins og fýll, rita og ýmsar tegundir svartfugla. Stofnar þeirra eru hver um sig milljónir einstaklinga og eru það bæði íslenskir varpfuglar og eins fuglar annars staðar frá.

Tilvísanir:
  1. ^ Ferðir og vetrarstöðvar - Náttúrufræðistofnun Íslands.
  2. ^ Náttúrufræðistofnun Íslands, óbirt gögn.
  3. ^ Uppreiknað frá stofnmati sem tekið var saman af Náttúrufræðistofnun Íslands. Kristinn Haukur Skarphéðinsson, Borgný Katrínardóttir, Guðmundur A. Guðmundsson og Svenja N.V. Auhage 2016. Mikilvæg fuglasvæði á Íslandi. Fjölrit Náttúrufræðistofnunar nr. 55. Garðabær: Náttúrufræðistofnun Íslands.

Mynd:...