Sólin Sólin Rís 08:17 • sest 19:02 í Reykjavík
Tunglið Tunglið Rís 05:50 • Sest 09:30 í Reykjavík
Flóð Flóð Árdegis: 11:54 • Síðdegis: 24:37 í Reykjavík
Fjaran Fjara Árdegis: 05:43 • Síðdegis: 18:04 í Reykjavík
COVID-19 borði í flokk

Gæti gamalt lyf við sníkjudýrum gagnast gegn COVID-19?

Jón Magnús Jóhannesson

Lyfið sem hér um ræðir heitir ivermectin og er flókið sýkingarlyf með margþætta gagnsemi. Það var uppgötvað 1975 og er notað um heim allan gegn margvíslegum ormasýkingum en einnig gegn öðrum sníkjudýrum á borð við kláðamaur. Notkunin einskorðast ekki við menn heldur er lyfið einnig gefið öðrum dýrum, til að mynda hundum. Algengast er að gefa ivermectin í töfluformi um munn og aukaverkanir eru að jafnaði sáralitlar.[1] Ivermectin er meðal annars kjörmeðferð gegn litlum ormi sem nefnist Strongyloides stercoralis. Þessi ormur finnst víða um heim og veldur langvinnum sýkingum í meltingarvegi manna, en þegar sýktir einstaklingar eru meðhöndlaðir með sterum geta alvarlegar sýkingar komið fram, eins og farið verður nánar út í á eftir.

Nýlega hefur ivermectin fengið aukna athygli sem möguleg meðferð gegn COVID-19 (sem orsakast af veirunni SARS-CoV-2). Það er meðal annars byggt á niðurstöðum nýlegra rannsókna sem benda hugsanlega til gagnsemi þess. Enn fremur hefur notkun á ivermectin í sjúklingu með COVID-19 aukist verulega á síðustu mánuðum, gjarnan án samþykkis til slíkrar notkunar.[2] Um langa hríð hefur einnig verið talsverður áhugi á ivermectin fyrir hugsanlega virkni gegn bakteríum, veirum og meðal annars krabbameinum, þó það vanti fleiri og stærri rannsóknir til að geta sagt nákvæmlega til um hvort virkni sé raunverulega til staðar.[3]

Mikilvægt er að hafa í huga þann vísindalega bakgrunn sem nú liggur fyrir um meðferðir gegn COVID-19. Þrátt fyrir hundruð rannsókna um allan heim hefur fátt reynst gagnast sem lyfjameðferð gegn COVID-19 - ljóst er að barksterameðferð (til dæmis meðferð með barksteranum dexametasón) getur gagnast hjá vissum hópi sjúklinga með COVID-19. Aðrar meðferðir hafa, í besta falli, mögulega jákvæða verkun í ákveðnum undirhópum við vissar aðstæður.

Lyfið ivermectin er sýkingarlyf með margþætta gagnsemi. Það er notað um heim allan gegn margvíslegum ormasýkingum og sníkjudýrum. Nýlegar rannsóknir um gagnsemi ivermectin gegn COVID-19 eru gjarnan settar fram á þann veg að árangur sé ótvíræður. Engin rannsókn hefur hins vegar til þessa leiðrétt fyrir líkum á fyrirliggjandi sníkjudýrasýkingu, hjá sjúklingum sem eru meðhöndlaðir með lyfinu gegn COVID-19. Þetta á sérstaklega við um sýkingu með þráðorminum Strongyloides stercoralis sem sést hér á myndinni.

Í ljósi þessa væri kjörið að geta notast við ódýra, einfalda meðferð sem við þekkjum vel til að glíma við COVID-19. Því miður reyndist það ekki eiga við um lyfið hýdroxíklórókín, en hvað segja gögnin okkur um ivermectin? Þó rannsóknir um ivermectin og COVID-19 séu gjarnan settar fram á þann veg að árangur sé ótvíræður er það einfaldlega ekki rétt - fjöldi annmarka er til staðar á þeim rannsóknum sem liggja fyrir og þörf er á stærri og ítarlegri rannsóknum áður en hægt er að staðfesta með vissu árangur ivermectin gegn COVID-19. Í sérstöku svari á Vísindavefnum við spurningunni Hvaða rannsóknir hafa verið gerðar á gagnsemi lyfsins ivermectin við COVID-19 og hvað hafa þær leitt í ljós? er nánari greining á þeim rannsóknum sem hingað til hafa verið framkvæmdar. Við bendum lesendum sem vilja kynna sér efnið vel að lesa það svar einnig.

Niðurstaða

Ýmsir heilbrigðisstarfsmenn víða um heim hafa hvatt til notkunar á ivermectin til varnar og meðferðar í tengslum við COVID-19, með vísun í fyrrnefndar rannsóknir[4] - hins vegar skortir gagnrýni á aðferðafræði rannsóknanna, forsendur þeirra og hversu erfitt er að túlka niðurstöðurnar sem koma frá þeim. Stundum er vísað í rannsóknir til stuðnings sem raunverulega sýna ekki marktækan mun milli hópa[5] eða eru of litlar.[6]

Einnig er ein breyta sem engin rannsókn til þessa hefur leiðrétt fyrir - líkur á fyrirliggjandi sníkjudýrasýkingu. Þetta á sérstaklega við um sýkingu með þráðorminum Strongyloides stercoralis, sem finnst víða um heim og er verulega vangreindur. Algengi sýkinga með þessum þráðormi er breytilegt eftir löndum - í rannsókn Schär og félaga[7] var þetta mjög áberandi, með algengi sem náði frá 0,3% í Íran til 94,9% í Ísrael. Sömu tölur fyrir Indland og Bangladess voru 6,6% og 29,8%, hvor um sig. Ormurinn sýkir meltingarveg og veldur gjarnan langvinnum sýkingum til margra ára. Þó hann sé oftast staðsettur einungis innan meltingarvegar til lengri tíma geta lirfur ormsins farið úr meltingarveginum og yfir í önnur líffæri, og geta þannig valdið alvarlegum sýkingum. Þetta á sérstaklega við um ónæmisbælda einstaklinga; þá verður ónæmisbælingin til þess að langvinn, einkennalítil sýking breytist yfir í mun hættulegra ástand.

Algengasta orsök ónæmisbælingar sem getur hleypt af stað útbreiddri, alvarlegri sýkingu með Strongyloides stercoralis er meðferð með háum skömmtum af barksterum, sem er meðal annars liður í meðferð gegn miðlungsalvarlegum og alvarlegum tilfellum COVID-19. Slíkar kerfisbundnar sýkingar geta valdið lungnabólgum, rofi á meltingarvegi, sýklasótt (e. sepsis) og heilahimnubólgu, með dánarhlutfall sem getur náð upp í 90%. Með réttum aðferðum er áreiðanlega hægt að greina sýkingar af völdum Strongyloides stercoralis. Kjörmeðferð gegn Strongyloides stercoralis er, merkilegt nokk, stakur skammtur af ivermectin. Þannig ættu allar rannsóknir sem meta virkni ivermectin gegn COVID-19 (í löndum þar sem þessi þráðormur er landlægur) að huga að þessum möguleika áður en hægt er að segja til um gagnsemi ivermectin gegn COVID-19 sérstaklega. Hins vegar bendir þetta til þess að notkun ivermectin væri réttlætanleg ef grunur er um undirliggjandi sýkingu með Strongyloides stercoralis, sérstaklega ef verið er að hefja meðferð með barksterum.[8]

Af öllu ofangreindu ætti að vera ljóst að áfram er talsverð óvissa til staðar í umræðunni um ivermectin og COVID-19. Óháð því hvort ivermectin reynist virka eða ekki í sjúklingum með COVID-19 mun bólusetning vera nauðsynlegur liður í viðbragði okkar gegn þessum heimsfaraldri. Hins vegar getur núverandi framboð af bóluefni ekki mætt þeirri gífurlegri eftirspurn sem er til staðar um allan heim – þannig myndi árangursrík, örugg meðferð gagnast verulega í að takmarka þann skaða sem COVID-19 getur valdið. Ef ivermectin uppfyllti þau skilyrði væri það ómetanleg viðbót samhliða bólusetningum og samfélagslegum inngripum. Því miður skortir okkur gögnin til að segja til um slíkt en vonandi verður ráðin bót á því á næstu mánuðum.

Tilvísanir:
  1. ^ Sjá heimild 3, 5, 6 og 14.
  2. ^ Sjá heimild 1 og 2.
  3. ^ Sjá heimild 30.
  4. ^ Sjá heimild 4.
  5. ^ Sjá heimild 26.
  6. ^ Sjá heimild 27.
  7. ^ Sjá heimild 28.
  8. ^ Sjá heimild 28-29.

Höfundur þakkar Ingibjörgu Hilmarsdóttur, sérfræðilækni í sýkla- og veirufræði og Vigdísi Víglundsdóttir lífeindafræðingi, fyrir yfirlestur og gagnlegar athugasemdir.

Mynd:

Heimildir:

  1. FLCCC Alliance. Ivermectin. (Sótt 14.1.2021).
  2. TratamientoTemprano. Tratamiento Temprano Covid-19. (Sótt 14.1.2021).
  3. Heidary, F. & Gharebaghi, R. (2020). Ivermectin: a systematic review from antiviral effects to COVID-19 complementary regimen. J Antibiot 73, 593–602. (Sótt 14.1.2021).
  4. Kory, P. o.fl. (2020, 13. nóvember). Review of the Emerging Evidence Demonstrating the Efficacy of Ivermectin in the Prophylaxis and Treatment of COVID-19. (Sótt 14.1.2021).
  5. National Institutes of Health. Ivermectin. (Sótt 14.1.2021).
  6. Omura, S. & Crump, A. (2014). Ivermectin: panacea for resource-poor communities? Trends in parasitology, 30(9), 445–455. (Sótt 14.1.2021).
  7. Caly L. o.fl. (2020). The FDA-approved drug ivermectin inhibits the replication of SARS-CoV-2 in vitro. Antiviral research, 178:104787. (Sótt 14.1.2021).
  8. Schmith, V. D, Zhou, J. & Lohmer, L. R. L. (2020, 7. maí). The Approved Dose of Ivermectin Alone is not the Ideal Dose for the Treatment of COVID-19. Clinical pharmacology & therapeutics. (Sótt 14.1.2021).
  9. Jermain, B. o.fl. (2020). Development of a Minimal Physiologically-Based Pharmacokinetic Model to Simulate Lung Exposure in Humans Following Oral Administration of Ivermectin for COVID-19 Drug Repurposing. Journal of Pharmaceutical Sciences, 109(12), 3574-3578. (Sótt 14.1.2021).
  10. Momekov G. & Momekova D. (2020). Ivermectin as a potential COVID-19 treatment from the pharmacokinetic point of view: antiviral levels are not likely attainable with known dosing regimens. Biotechnology & biotechnological Equipment, 34:1, 469-474. (Sótt 14.1.2021).
  11. Chaccour, C. o.fl. (2020). Ivermectin and COVID-19: Keeping Rigor in Times of Urgency. The American journal of tropical medicine and hygiene, 102(6), 1156–1157. (Sótt 14.1.2021).
  12. Arshad, U. o.fl. (2020). Prioritization of Anti-SARS-Cov-2 Drug Repurposing Opportunities Based on Plasma and Target Site Concentrations Derived from their Established Human Pharmacokinetics. Clinical pharmacology and therapeutics, 108(4), 775–790. (Sótt 14.1.2021).
  13. Bray, M. o.fl. (2020). Ivermectin and COVID-19: A report in Antiviral Research, widespread interest, an FDA warning, two letters to the editor and the authors' responses. Antiviral research, 178, 104805. (Sótt 14.1.2021).
  14. Guzzo, C. A. o.fl. (2002). Safety, tolerability, and pharmacokinetics of escalating high doses of ivermectin in healthy adult subjects. Journal of clinical pharmacology, 42(10), 1122–1133. (Sótt 14.1.2021).
  15. de Melo, G. D. o.fl. (2020, 22. nóvember). Anti-COVID-19 efficacy of ivermectin in the golden hamster. bioRxiv. (Sótt 14.1.2021).
  16. Rajter, J. C. o.fl. (2021). Use of Ivermectin Is Associated With Lower Mortality in Hospitalized Patients With Coronavirus Disease 2019: The Ivermectin in COVID Nineteen Study. Chest, 159(1), 85-92. (Sótt 14.1.2021).
  17. Behera, P. o.fl. (2020, 3. nóvember). Role of ivermectin in the prevention of COVID-19 infection among healthcare workers in India: A matched case-control study. medRxiv. (Sótt 14.1.2021).
  18. Elgazzar, A. o.fl. (2020, 28. desember). Efficacy and Safety of Ivermectin for Treatment and prophylaxis of COVID-19 Pandemic. Research Square. (Sótt 14.1.2021).
  19. Chowdhury, A. T. o.fl. (2020, 14. júlí). A Randomized Trial of Ivermectin-Doxycycline and Hydroxychloroquine-Azithromycin therapy on COVID19 patients. Research Square. (Sótt 14.1.2021).
  20. Hashim, H. A. o.fl. (2020, 27. október). Controlled randomized clinical trial on using Ivermectin with Doxycycline for treating COVID-19 patients in Baghdad, Iraq. medRxiv. (Sótt 14.1.2021).
  21. Niaee, M. S. o.fl. (2020, 24. nóvember). Ivermectin as an adjunct treatment for hospitalized adult COVID-19 patients: A randomized multi-center clinical trial. Research Square. (Sótt 14.1.2021).
  22. Spoorthi, V. & Sasank, S. (2020). Utility of Ivermectin and Doxycycline combination for the treatment of SARSCoV-2. International Archives of Integrated Medicine, 7(10), 177-182. (Sótt 14.1.2021).
  23. Ahmed, S. o.fl. (2020, 2. desember). A five-day course of ivermectin for the treatment of COVID-19 may reduce the duration of illness. Intermational Journal of Infectious Diseases. (Sótt 14.1.2021).
  24. ClinicalTrials.gov. (2020, 27. ágúst). Prophylactic Ivermectin in COVID-19 Contacts. (Sótt 14.1.2021).
  25. ClinicalTrials.gov. (2020, 9. október). Clinical Trial of Ivermectin Plus Doxycycline for the Treatment of Confirmed Covid-19 Infection. (Sótt 14.1.2021).
  26. Podder, C. S. o.fl. (2020). Outcome of ivermectin treated mild to moderate COVID-19 cases: a single-centre, open-label, randomised controlled study. IMC Journal of Medical Science, 14(2). (Sótt 14.1.2021).
  27. Chaccour, C. o.fl. (2020, 7. desember). The effect of early treatment with ivermectin on viral load, symptoms and humoral response in patients with mild COVID-19: a pilot, double-blind, placebo-controlled, randomized clinical trial. Research Square. (Sótt 14.1.2021).
  28. Schär, F. o.fl. (2020). Strongyloides stercoralis: Global Distribution and Risk Factors. PLoS Neglected Tropical Diseases, 7(7): e2288. (Sótt 14.1.2021).
  29. Centers for Disease Control and Prevention. Resources for Health Professionals. (Sótt 14.1.2021).
  30. Crump, A. (2017, 15. febrúar). Ivermectin: enigmatic multifaceted ‘wonder’ drug continues to surprise and exceed expectations. The Journal of Antibiotics, 70, 495-505. (Sótt 25.01.2021).

Höfundur

Jón Magnús Jóhannesson

deildarlæknir á Landspítalanum

Útgáfudagur

19.1.2021

Spyrjandi

Ragnhildur, ritstjórn

Tilvísun

Jón Magnús Jóhannesson. „Gæti gamalt lyf við sníkjudýrum gagnast gegn COVID-19?“ Vísindavefurinn, 19. janúar 2021. Sótt 6. mars 2021. http://visindavefur.is/svar.php?id=80949.

Jón Magnús Jóhannesson. (2021, 19. janúar). Gæti gamalt lyf við sníkjudýrum gagnast gegn COVID-19? Vísindavefurinn. Sótt af http://visindavefur.is/svar.php?id=80949

Jón Magnús Jóhannesson. „Gæti gamalt lyf við sníkjudýrum gagnast gegn COVID-19?“ Vísindavefurinn. 19. jan. 2021. Vefsíða. 6. mar. 2021. <http://visindavefur.is/svar.php?id=80949>.

Chicago | APA | MLA

Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Gæti gamalt lyf við sníkjudýrum gagnast gegn COVID-19?
Lyfið sem hér um ræðir heitir ivermectin og er flókið sýkingarlyf með margþætta gagnsemi. Það var uppgötvað 1975 og er notað um heim allan gegn margvíslegum ormasýkingum en einnig gegn öðrum sníkjudýrum á borð við kláðamaur. Notkunin einskorðast ekki við menn heldur er lyfið einnig gefið öðrum dýrum, til að mynda hundum. Algengast er að gefa ivermectin í töfluformi um munn og aukaverkanir eru að jafnaði sáralitlar.[1] Ivermectin er meðal annars kjörmeðferð gegn litlum ormi sem nefnist Strongyloides stercoralis. Þessi ormur finnst víða um heim og veldur langvinnum sýkingum í meltingarvegi manna, en þegar sýktir einstaklingar eru meðhöndlaðir með sterum geta alvarlegar sýkingar komið fram, eins og farið verður nánar út í á eftir.

Nýlega hefur ivermectin fengið aukna athygli sem möguleg meðferð gegn COVID-19 (sem orsakast af veirunni SARS-CoV-2). Það er meðal annars byggt á niðurstöðum nýlegra rannsókna sem benda hugsanlega til gagnsemi þess. Enn fremur hefur notkun á ivermectin í sjúklingu með COVID-19 aukist verulega á síðustu mánuðum, gjarnan án samþykkis til slíkrar notkunar.[2] Um langa hríð hefur einnig verið talsverður áhugi á ivermectin fyrir hugsanlega virkni gegn bakteríum, veirum og meðal annars krabbameinum, þó það vanti fleiri og stærri rannsóknir til að geta sagt nákvæmlega til um hvort virkni sé raunverulega til staðar.[3]

Mikilvægt er að hafa í huga þann vísindalega bakgrunn sem nú liggur fyrir um meðferðir gegn COVID-19. Þrátt fyrir hundruð rannsókna um allan heim hefur fátt reynst gagnast sem lyfjameðferð gegn COVID-19 - ljóst er að barksterameðferð (til dæmis meðferð með barksteranum dexametasón) getur gagnast hjá vissum hópi sjúklinga með COVID-19. Aðrar meðferðir hafa, í besta falli, mögulega jákvæða verkun í ákveðnum undirhópum við vissar aðstæður.

Lyfið ivermectin er sýkingarlyf með margþætta gagnsemi. Það er notað um heim allan gegn margvíslegum ormasýkingum og sníkjudýrum. Nýlegar rannsóknir um gagnsemi ivermectin gegn COVID-19 eru gjarnan settar fram á þann veg að árangur sé ótvíræður. Engin rannsókn hefur hins vegar til þessa leiðrétt fyrir líkum á fyrirliggjandi sníkjudýrasýkingu, hjá sjúklingum sem eru meðhöndlaðir með lyfinu gegn COVID-19. Þetta á sérstaklega við um sýkingu með þráðorminum Strongyloides stercoralis sem sést hér á myndinni.

Í ljósi þessa væri kjörið að geta notast við ódýra, einfalda meðferð sem við þekkjum vel til að glíma við COVID-19. Því miður reyndist það ekki eiga við um lyfið hýdroxíklórókín, en hvað segja gögnin okkur um ivermectin? Þó rannsóknir um ivermectin og COVID-19 séu gjarnan settar fram á þann veg að árangur sé ótvíræður er það einfaldlega ekki rétt - fjöldi annmarka er til staðar á þeim rannsóknum sem liggja fyrir og þörf er á stærri og ítarlegri rannsóknum áður en hægt er að staðfesta með vissu árangur ivermectin gegn COVID-19. Í sérstöku svari á Vísindavefnum við spurningunni Hvaða rannsóknir hafa verið gerðar á gagnsemi lyfsins ivermectin við COVID-19 og hvað hafa þær leitt í ljós? er nánari greining á þeim rannsóknum sem hingað til hafa verið framkvæmdar. Við bendum lesendum sem vilja kynna sér efnið vel að lesa það svar einnig.

Niðurstaða

Ýmsir heilbrigðisstarfsmenn víða um heim hafa hvatt til notkunar á ivermectin til varnar og meðferðar í tengslum við COVID-19, með vísun í fyrrnefndar rannsóknir[4] - hins vegar skortir gagnrýni á aðferðafræði rannsóknanna, forsendur þeirra og hversu erfitt er að túlka niðurstöðurnar sem koma frá þeim. Stundum er vísað í rannsóknir til stuðnings sem raunverulega sýna ekki marktækan mun milli hópa[5] eða eru of litlar.[6]

Einnig er ein breyta sem engin rannsókn til þessa hefur leiðrétt fyrir - líkur á fyrirliggjandi sníkjudýrasýkingu. Þetta á sérstaklega við um sýkingu með þráðorminum Strongyloides stercoralis, sem finnst víða um heim og er verulega vangreindur. Algengi sýkinga með þessum þráðormi er breytilegt eftir löndum - í rannsókn Schär og félaga[7] var þetta mjög áberandi, með algengi sem náði frá 0,3% í Íran til 94,9% í Ísrael. Sömu tölur fyrir Indland og Bangladess voru 6,6% og 29,8%, hvor um sig. Ormurinn sýkir meltingarveg og veldur gjarnan langvinnum sýkingum til margra ára. Þó hann sé oftast staðsettur einungis innan meltingarvegar til lengri tíma geta lirfur ormsins farið úr meltingarveginum og yfir í önnur líffæri, og geta þannig valdið alvarlegum sýkingum. Þetta á sérstaklega við um ónæmisbælda einstaklinga; þá verður ónæmisbælingin til þess að langvinn, einkennalítil sýking breytist yfir í mun hættulegra ástand.

Algengasta orsök ónæmisbælingar sem getur hleypt af stað útbreiddri, alvarlegri sýkingu með Strongyloides stercoralis er meðferð með háum skömmtum af barksterum, sem er meðal annars liður í meðferð gegn miðlungsalvarlegum og alvarlegum tilfellum COVID-19. Slíkar kerfisbundnar sýkingar geta valdið lungnabólgum, rofi á meltingarvegi, sýklasótt (e. sepsis) og heilahimnubólgu, með dánarhlutfall sem getur náð upp í 90%. Með réttum aðferðum er áreiðanlega hægt að greina sýkingar af völdum Strongyloides stercoralis. Kjörmeðferð gegn Strongyloides stercoralis er, merkilegt nokk, stakur skammtur af ivermectin. Þannig ættu allar rannsóknir sem meta virkni ivermectin gegn COVID-19 (í löndum þar sem þessi þráðormur er landlægur) að huga að þessum möguleika áður en hægt er að segja til um gagnsemi ivermectin gegn COVID-19 sérstaklega. Hins vegar bendir þetta til þess að notkun ivermectin væri réttlætanleg ef grunur er um undirliggjandi sýkingu með Strongyloides stercoralis, sérstaklega ef verið er að hefja meðferð með barksterum.[8]

Af öllu ofangreindu ætti að vera ljóst að áfram er talsverð óvissa til staðar í umræðunni um ivermectin og COVID-19. Óháð því hvort ivermectin reynist virka eða ekki í sjúklingum með COVID-19 mun bólusetning vera nauðsynlegur liður í viðbragði okkar gegn þessum heimsfaraldri. Hins vegar getur núverandi framboð af bóluefni ekki mætt þeirri gífurlegri eftirspurn sem er til staðar um allan heim – þannig myndi árangursrík, örugg meðferð gagnast verulega í að takmarka þann skaða sem COVID-19 getur valdið. Ef ivermectin uppfyllti þau skilyrði væri það ómetanleg viðbót samhliða bólusetningum og samfélagslegum inngripum. Því miður skortir okkur gögnin til að segja til um slíkt en vonandi verður ráðin bót á því á næstu mánuðum.

Tilvísanir:
  1. ^ Sjá heimild 3, 5, 6 og 14.
  2. ^ Sjá heimild 1 og 2.
  3. ^ Sjá heimild 30.
  4. ^ Sjá heimild 4.
  5. ^ Sjá heimild 26.
  6. ^ Sjá heimild 27.
  7. ^ Sjá heimild 28.
  8. ^ Sjá heimild 28-29.

Höfundur þakkar Ingibjörgu Hilmarsdóttur, sérfræðilækni í sýkla- og veirufræði og Vigdísi Víglundsdóttir lífeindafræðingi, fyrir yfirlestur og gagnlegar athugasemdir.

Mynd:

Heimildir:

  1. FLCCC Alliance. Ivermectin. (Sótt 14.1.2021).
  2. TratamientoTemprano. Tratamiento Temprano Covid-19. (Sótt 14.1.2021).
  3. Heidary, F. & Gharebaghi, R. (2020). Ivermectin: a systematic review from antiviral effects to COVID-19 complementary regimen. J Antibiot 73, 593–602. (Sótt 14.1.2021).
  4. Kory, P. o.fl. (2020, 13. nóvember). Review of the Emerging Evidence Demonstrating the Efficacy of Ivermectin in the Prophylaxis and Treatment of COVID-19. (Sótt 14.1.2021).
  5. National Institutes of Health. Ivermectin. (Sótt 14.1.2021).
  6. Omura, S. & Crump, A. (2014). Ivermectin: panacea for resource-poor communities? Trends in parasitology, 30(9), 445–455. (Sótt 14.1.2021).
  7. Caly L. o.fl. (2020). The FDA-approved drug ivermectin inhibits the replication of SARS-CoV-2 in vitro. Antiviral research, 178:104787. (Sótt 14.1.2021).
  8. Schmith, V. D, Zhou, J. & Lohmer, L. R. L. (2020, 7. maí). The Approved Dose of Ivermectin Alone is not the Ideal Dose for the Treatment of COVID-19. Clinical pharmacology & therapeutics. (Sótt 14.1.2021).
  9. Jermain, B. o.fl. (2020). Development of a Minimal Physiologically-Based Pharmacokinetic Model to Simulate Lung Exposure in Humans Following Oral Administration of Ivermectin for COVID-19 Drug Repurposing. Journal of Pharmaceutical Sciences, 109(12), 3574-3578. (Sótt 14.1.2021).
  10. Momekov G. & Momekova D. (2020). Ivermectin as a potential COVID-19 treatment from the pharmacokinetic point of view: antiviral levels are not likely attainable with known dosing regimens. Biotechnology & biotechnological Equipment, 34:1, 469-474. (Sótt 14.1.2021).
  11. Chaccour, C. o.fl. (2020). Ivermectin and COVID-19: Keeping Rigor in Times of Urgency. The American journal of tropical medicine and hygiene, 102(6), 1156–1157. (Sótt 14.1.2021).
  12. Arshad, U. o.fl. (2020). Prioritization of Anti-SARS-Cov-2 Drug Repurposing Opportunities Based on Plasma and Target Site Concentrations Derived from their Established Human Pharmacokinetics. Clinical pharmacology and therapeutics, 108(4), 775–790. (Sótt 14.1.2021).
  13. Bray, M. o.fl. (2020). Ivermectin and COVID-19: A report in Antiviral Research, widespread interest, an FDA warning, two letters to the editor and the authors' responses. Antiviral research, 178, 104805. (Sótt 14.1.2021).
  14. Guzzo, C. A. o.fl. (2002). Safety, tolerability, and pharmacokinetics of escalating high doses of ivermectin in healthy adult subjects. Journal of clinical pharmacology, 42(10), 1122–1133. (Sótt 14.1.2021).
  15. de Melo, G. D. o.fl. (2020, 22. nóvember). Anti-COVID-19 efficacy of ivermectin in the golden hamster. bioRxiv. (Sótt 14.1.2021).
  16. Rajter, J. C. o.fl. (2021). Use of Ivermectin Is Associated With Lower Mortality in Hospitalized Patients With Coronavirus Disease 2019: The Ivermectin in COVID Nineteen Study. Chest, 159(1), 85-92. (Sótt 14.1.2021).
  17. Behera, P. o.fl. (2020, 3. nóvember). Role of ivermectin in the prevention of COVID-19 infection among healthcare workers in India: A matched case-control study. medRxiv. (Sótt 14.1.2021).
  18. Elgazzar, A. o.fl. (2020, 28. desember). Efficacy and Safety of Ivermectin for Treatment and prophylaxis of COVID-19 Pandemic. Research Square. (Sótt 14.1.2021).
  19. Chowdhury, A. T. o.fl. (2020, 14. júlí). A Randomized Trial of Ivermectin-Doxycycline and Hydroxychloroquine-Azithromycin therapy on COVID19 patients. Research Square. (Sótt 14.1.2021).
  20. Hashim, H. A. o.fl. (2020, 27. október). Controlled randomized clinical trial on using Ivermectin with Doxycycline for treating COVID-19 patients in Baghdad, Iraq. medRxiv. (Sótt 14.1.2021).
  21. Niaee, M. S. o.fl. (2020, 24. nóvember). Ivermectin as an adjunct treatment for hospitalized adult COVID-19 patients: A randomized multi-center clinical trial. Research Square. (Sótt 14.1.2021).
  22. Spoorthi, V. & Sasank, S. (2020). Utility of Ivermectin and Doxycycline combination for the treatment of SARSCoV-2. International Archives of Integrated Medicine, 7(10), 177-182. (Sótt 14.1.2021).
  23. Ahmed, S. o.fl. (2020, 2. desember). A five-day course of ivermectin for the treatment of COVID-19 may reduce the duration of illness. Intermational Journal of Infectious Diseases. (Sótt 14.1.2021).
  24. ClinicalTrials.gov. (2020, 27. ágúst). Prophylactic Ivermectin in COVID-19 Contacts. (Sótt 14.1.2021).
  25. ClinicalTrials.gov. (2020, 9. október). Clinical Trial of Ivermectin Plus Doxycycline for the Treatment of Confirmed Covid-19 Infection. (Sótt 14.1.2021).
  26. Podder, C. S. o.fl. (2020). Outcome of ivermectin treated mild to moderate COVID-19 cases: a single-centre, open-label, randomised controlled study. IMC Journal of Medical Science, 14(2). (Sótt 14.1.2021).
  27. Chaccour, C. o.fl. (2020, 7. desember). The effect of early treatment with ivermectin on viral load, symptoms and humoral response in patients with mild COVID-19: a pilot, double-blind, placebo-controlled, randomized clinical trial. Research Square. (Sótt 14.1.2021).
  28. Schär, F. o.fl. (2020). Strongyloides stercoralis: Global Distribution and Risk Factors. PLoS Neglected Tropical Diseases, 7(7): e2288. (Sótt 14.1.2021).
  29. Centers for Disease Control and Prevention. Resources for Health Professionals. (Sótt 14.1.2021).
  30. Crump, A. (2017, 15. febrúar). Ivermectin: enigmatic multifaceted ‘wonder’ drug continues to surprise and exceed expectations. The Journal of Antibiotics, 70, 495-505. (Sótt 25.01.2021).
...