Verða kolkrabbar langlífir?

Nafn þitt

Netfang þitt

Netfang móttakanda

Ruslpóstvörn =

Svar

Verða kolkrabbar langlífir?
Kolkrabbar (Octopoda) eru um margt merkilegir hryggleysingjar, meðal annars vegna þess að þeir eru að öllu jöfnu taldir standa öðrum hryggleysingjum framar hvað greind snertir. Þeir verða þó ekki mjög langlífir. Margar minni tegundir kolkrabba lifa einungis í um 6-9 mánuði en stærri tegundir geta lifað í nokkur ár. Talið er að tegundin Enteroctopus dofleini eða kyrrahafsrisakolkrabbinn geti orðið allt að 5 ára gamall. Hann er því mögulega langlífastur allra kolkrabba.

Kolkrabbar hrygna aðeins einu sinni á ævinni. Kvendýrið ver eggin fyrir ýmsum afræningjum sem kunna að hafa áhuga á þeim og tryggir að nægjanlegur straumur leiki um eggin svo þau skorti ekki súrefni. Á þeim tíma sem það tekur eggin að klekjast út nærist kvendýrið ekkert og deyr að klaki loknu. Karldýrin verða heldur ekki langlíf eftir að þau fjölga sér því þau deyja fáeinum vikum eða mánuðum eftir æxlunina.

Heimildir:

• How Long Do Octopuses Live? - Ocotlab.tv. (Sótt 27.5.2021).
• University of Chicago Medical Center. (2018, september 25). The grim, final days of a mother octopus. ScienceDaily. (Sótt 27.5.2021).
• Octopuses - The National Wildlife Federation. (Sótt 27.5.2021).

Mynd:

• File:Giant Pacific Octopus.jpg - Wikimedia Commons. (Sótt 28.05.2021). Myndina tók Karen og hún er birt undir leyfinu Creative Commons — Attribution 2.0 Generic — CC BY 2.0.

...