Hvar finn ég upplýsingar um aldursdreifingu Íslendinga?

Nafn þitt

Netfang þitt

Netfang móttakanda

Ruslpóstvörn =

Svar

Hvar finn ég upplýsingar um aldursdreifingu Íslendinga?
Vísindavefurinn fær stundum spurningar um hversu margir Íslendingar tilheyra tilteknum aldurshópi, til dæmis:

• Hvað búa margir 12 ára og eldri á Íslandi í dag?
• Hvað eru margir Íslendingar 67 ára og eldri og hvað eru margir 70 ára og eldri?
• Getið þið sýnt fjölda Íslendinga í árgöngum 1936 til 1942?

Upplýsingar af þessu tagi eru aðgengilegar á vef Hagstofu Íslands. Efni Hagstofunnar er skipt í nokkra flokka og einn þeirra eru Íbúar. Þar undir má finna Mannfjölda og nokkra undirflokka. Til þess að svara spurningum eins og þessum hér fyrir ofan er fínt að velja flokkinn Yfirlit mannfjölda, finna þar Talnaefni, Yfirlit og velja töflu um Mannfjölda eftir kyni og aldri. Þar er hægt að velja þær breytur sem hugur stendur til að skoða nánar og biðja um töflu sem síðan má vista sem excelskjal og vinna meira með.

Með þessari aðferð má til dæmis finna út að árið 2021 eru um 314.000 Íslendingar 12 ára og eldri, rétt tæplega 47.000 manns eru 67 ára og eldri og um 37.000 eru 70 ára og eldri.

Vitanlega má nota þessa sömu töflu til að finna fjölda í einstökum árgöngum en þá er rétt að hafa í huga að tölurnar miðast við 1. janúar ár hvert. Svarið við spurningunni um fjölda í árgöngum, miðað við 1. janúar 2021 er

Árgangur	Fjöldi
1936	1095
1937	1158
1938	1220
1939	1344
1940	1428
1941	1581
1942	1847

Mynd:

• Flickr.com. Höfundur myndar: Matito. Birt undir Attribution-ShareAlike 2.0 Generic leyfi. (Sótt 24.8.2021).

...