Hvaða skordýr eru þetta hér á húsveggnum á Laugum í Þingeyjarsveit?

Nafn þitt

Netfang þitt

Netfang móttakanda

Ruslpóstvörn =

Svar

Hvaða skordýr eru þetta hér á húsveggnum á Laugum í Þingeyjarsveit?
Upprunalega spurningin var þessi:

Hvaða skordýr er á myndinni? Mig langar að vita hvaða dýr þetta er? Ég bý á Laugum í Þingeyjarsveit og sá margar svona á húsveggnum hjá mér.

Skordýrið á myndinni sem spyrjandi sendi kallast fíflalús (Uroleucon taraxaci). Heitið er dregið af því að fíflalúsin lifir á túnfíflum, en fræðiheiti þeirra er Taraxacum. Fíflalúsin heldur sig aðallega á neðra borði laufblaða túnfífla og við blaðgrunninn. Þegar líða tekur á sumarið fjölgar lúsinni verulega og þá skríður hún ofar í gróðurinn og fer síðan iðulega af honum upp á veggi húsa og skjólgarða. Þess vegna kemur ekki á óvart að spyrjandi hafi séð margar fíflalýs á húsveggnum á Laugum í Þingeyjarsveit síðsumars.

Fíflalúsin er tiltölulega nýr landnemi á Íslandi, elstu sýni af henni í safni Náttúrufræðistofnunar Ísland eru frá 2007. Hún fannst fyrst á höfuðborgarsvæðinu og tók að fjölga mikið upp úr seinustu aldamótum. Síðan þá hefur hún breiðst út um landið.

Garðar í órækt, þar sem mikið er um túnfífla, er kjörlendi fíflalúsarinnar.

Heimild, mynd og frekara lesefni:

• Fíflalús (Uroleucon taraxaci) | Náttúrufræðistofnun Íslands. (Sótt 24.08.2021).

...