Vísindavefurinn: Gervigreind og vísindamiðlun — 25 ára afmælismálþing Vísindavefsins

Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

Hlusta

Verða háskólar óþarfir með tilkomu gervigreindar? Getur gervigreindin tekið að sér að skrifa svör við spurningum á Vísindavefinn? Er hægt að treysta gervigreind? Hversu góð er gervigreindin í íslensku og hvernig er hægt að mæla það? Hvað eru gríðargögn og hvernig er gervigreind nýtt í fjarkönnun? Hvernig eiga nemendur og kennarar í grunnskólum að takast á við gervigreind? Þarf að kenna fólki gervigreindarlæsi og getur gervigreind nýst í íslensku heilbrigðiskerfi?

Þessum spurningum og mörgum fleiri verður svarað á 25 ára afmælismálþingi Vísindavefs HÍ um gervigreind og vísindamiðlun.

Málþingið fer fram í Hátíðasal Háskóla Íslands, miðvikudaginn 24. september kl. 15.00-16.30.

Dagskrá

Silja Bára Ómarsdóttir, rektor Háskóla Íslands — ávarp
Hafsteinn Einarsson, dósent í tölvunarfræði við Háskóla Íslands — Ábyrg notkun gervigreindar: Getur gervigreind skrifað greinar á Vísindavefnum?
Iris Edda Nowenstein, lektor í íslenskri málfræði og máltækni við Háskóla Íslands og talmeinafræðingur á Landspítalanum — Gervigreind og máltækni: Virkar þetta á íslensku og af hverju skiptir það máli?
Tryggvi Thayer, aðjúnkt í upplýsingatækni, nýsköpun og miðlun við Háskóla Íslands — Þegar spunagreind mætir í skólann: Að takast á við vanda utan ramma
Jón Atli Benediktsson, prófessor í rafmagns- og tölvuverkfræði við Háskóla Íslands — Þróun fjarkönnunar og úrvinnsla fjarkönnunarmynda með gervigreind
Sigrún Helga Lund, prófessor í tölfræði við Háskóla Íslands — Verða háskólar óþarfir með tilkomu gervigreindar?

Fundarstjóri er Magnús Karl Magnússon, formaður faglegrar ritnefndar Vísindavefsins og prófessor í læknisfræði við Háskóla Íslands.

Efnt er til málþingsins í tilefni af 25 ára afmæli Vísindavefs HÍ. Málþingið er öllum opið á meðan húsrúm leyfir en einnig verður hægt að fylgjast með í beinu streymi.

Að afmælismálþingi loknu verður boðið upp á léttar veitingar.

Öll velkomin og gestir eru hvattir til að spyrja fyrirlesara um allt sem snertir gervigreind og vísindamiðlun að loknum erindunum öllum.

Hægt er að boða komu sína á málþingið á Facebook hér: Gervigreind og vísindamiðlun — 25 ára afmælismálþing Vísindavefsins.

Senda grein til vinar

Sendu inn spurningu

Gervigreind og vísindamiðlun — 25 ára afmælismálþing Vísindavefsins

Höfundur

Útgáfudagur

Spyrjandi

Efnisorð

Tilvísun

Senda grein til vinar

Sendu inn spurningu

Gervigreind og vísindamiðlun — 25 ára afmælismálþing Vísindavefsins

Höfundur

Útgáfudagur

Spyrjandi

Efnisorð

Tilvísun

Deila

Senda grein til vinar