Hvaða sterka ljós er þetta á himninum í vestri, gæti það verið gervihnöttur?

Nafn þitt

Netfang þitt

Netfang móttakanda

Ruslpóstvörn =

Svar

Hvaða sterka ljós er þetta á himninum í vestri, gæti það verið gervihnöttur?
Öll spurningin hljóðaði svona:

Ég er í Grindavík og sé alltaf frekar sterkt ljós sem virðist vera nánast stöðugt yfir Reykjanesinu. Séð frá mér er þetta nánast í vestur og virðist ekki vera mjög hátt. Hvað er þetta og hver er tilgangurinn? Ég geri ráð fyrir að þetta sé gervihnöttur af einhverjum toga og væri gaman að vita hvað hann er að gera.

Fyrirbærið sem spyrjandi vísar til er ekki gervihnöttur heldur einfaldlega plánetan Venus. Hún hefur skinið skærast á kvöldhimninum í vestri það sem af er árs 2020. Venus var hæst á lofti í marsmánuði en fer lækkandi, þegar þetta er skrifað, með hverju kvöldinu sem líður og hverfur smám saman í sumarbirtuna.

Hinn 3. júní 2020 verður Venus milli Jarðar og sólar. Venus gengur ekki fyrir sólina að þessu sinni, næst gerist það árið 2117, en eftir það verður hún morgunstjarna.^[1] Frá Íslandi verður hægt að koma auga á Venusi á morgunhimninum í júlí. Næsta haust verður hún afar skær á morgnana í austri og boðar komu sólar. Í desember hverfur Venus af morgunhimninum þegar hún fer á bak við sólina frá Jörðu séð.

Tilvísun:

1. ^ Sjá nánar um það hér: Þverganga Venusar - Stjörnufræðivefurinn. (Sótt 1.05.2020).

Mynd:

• Sævar Helgi Bragason.

...