Í hverju felst starf tölvunarfræðinga? Hver er munurinn á því og starfi kerfisfræðinga?

Nafn þitt

Netfang þitt

Netfang móttakanda

Ruslpóstvörn =

Svar

Í hverju felst starf tölvunarfræðinga? Hver er munurinn á því og starfi kerfisfræðinga?
Hvorugt þessara starfsheita er lögverndað [sjá athugasemd neðst]. Hver sem er getur kallað sig tölvunarfræðing eða kerfisfræðing. Aftur á móti er venjan sú að þeir kalla sig tölvunarfræðinga sem lokið hafa BS-prófi í tölvunarfræði (computer science á ensku) eða sambærilegri háskólagráðu. Aftur á móti kalla þeir sig kerfisfræðinga sem hafa aðra menntun en vinna við sömu störf, svo sem forritun, kerfisgreiningu, hugbúnaðarhönnun og aðra þætti hugbúnaðargerðar og tölvuvæðingar.

Tölvunarfræðingar og kerfisfræðingar vinna nákvæmlega sömu störf. Tölvunarfræði er svo ung fræðigrein að margir sem vinna við hugbúnaðargerð og tölvuvæðingu hófu störf á því sviði áður en byrjað var að kenna tölvunarfræði hér á landi við Háskóla Íslands árið 1976.

Stærstu þættir í vinnu tölvunarfræðinga og kerfisfræðinga eru hugbúnaðargerð og viðhald hugbúnaðar. Hugbúnaðargerð felst meðal annars í að smíða ný forrit eða hugbúnaðarkerfi, greina eða bera kennsl á þarfir fyrir nýjan búnað, forrita ný kerfi, skilgreina notkunarreglur, skrifa notkunarhandbækur og ganga frá búnaði í uppsetningu. Viðhald hugbúnaðar felst í að breyta forritum, kerfum og handbókum til að laga villur eða mæta nýjum þörfum.

Eins og í öðrum fræðigreinum þurfa tölvunarfræðingar og kerfisfræðingar að nota verulegan hluta af tíma sínum til að fylgjast með nýjungum á sínu sviði. Þekking í tölvunarfræði vex ört og menn þurfa að fylgjast vel með nýjungum.

Athugasemd frá ritstjórn: Þetta svar var birt 3.5.2001. Með lögum nr. 147/2002 frá 19. desember 2002 um breytingu á lögum nr. 8/1996 öðlaðist starfsheitið tölvunarfræðingur löggildingu.

Frekara lesefni af Vísindavefnum:

• Hver var Alan Turing og hvert var framlag hans til tölvunarfræðinnar? eftir Hjálmtý Hafsteinsson
• Hver er Donald Knuth og hvert er framlag hans til tölvunarfræðinnar? eftir Hjálmtý Hafsteinsson
• Hver er munurinn á vefsíðuheitunum: .asp , .htm , .html, .php o.s.frv.? eftir Daða Ingólfsson
• Við hvað starfa stærðfræðingar? eftir Gunnar Þór Magnússon
• Hvað er kulnun í starfi? eftir EDS
• Hvað er þekking? eftir Eyju Margréti Brynjarsdóttur

Mynd:

• WSU Brain Injury Model

...