Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

doktor.is

Voru til risaeðlur á Íslandi?

Nei, það voru aldrei risaeðlur á Íslandi þar sem þær dóu út áður en Ísland tók að myndast.

Blómatími risaeðlanna var á miðlífsöld en á mörkum krítar- og tertíertímabilanna, fyrir 65 milljón árum, urðu miklar náttúruhamfarir sem talið er að hafi valdið aldauða um 70% allra tegunda lífvera sem þá lifðu, þar á meðal risaeðlanna. Tvær kenningar eru aðallega uppi um orsakir hamfaranna, annars vegar árekstur loftsteins eða loftsteina við jörðina, hins vegar gríðarleg eldgos.



Lega meginlandanna um það bil sem risaeðlurnar dóu út. Norður-Ameríka og Evrópa liggja nánast saman og Ísland er ekki tekið að myndast.

Nokkrum milljón árum eftir að risaeðlurnar reikuðu um jörðina, eða fyrir um það bil 60 milljón árum, tók Norður-Atlantshafið að opnast. Síðan þá hefur verið land yfir heita reitnum sem nú er undir Íslandi. Landið okkar er þó ekki frá þeim tíma heldur hefur nýtt berg myndast á hverjum tíma í gosbeltunum sem síðan rekur út til beggja hliða með um það bil 1 cm hraða á ári og sekkur í sæ eftir 15 milljón ár eða svo. Fyrir 50 milljón árum voru Færeyjar Ísland, ef svo má segja.

Elsta berg sem nú finnst ofanjarðar á Íslandi er einungis um 16 milljón ára gamalt en eldra berg er sokkið í sæ.

Frekari fróðleikur á Vísindavefnum:

Mynd: On-Line Biology Book. Sótt 8. 2. 2010.

Útgáfudagur

10.2.2010

Spyrjandi

Una Bjarnadóttir, Arnar Örn Ingólfsson, 1996

Höfundur

Tilvísun

EDS. „Voru til risaeðlur á Íslandi?“ Vísindavefurinn, 10. febrúar 2010. Sótt 23. júlí 2017. http://visindavefur.is/svar.php?id=27693.

EDS. (2010, 10. febrúar). Voru til risaeðlur á Íslandi? Vísindavefurinn. Sótt af http://visindavefur.is/svar.php?id=27693

EDS. „Voru til risaeðlur á Íslandi?“ Vísindavefurinn. 10. feb. 2010. Vefsíða. 23. júl. 2017. <http://visindavefur.is/svar.php?id=27693>.

Chicago | APA | MLA

Sendu inn spurningu
eða

Vísindadagatalið

Bjallan

Volkswagen-bjöllur komu fyrst á götuna árið 1938. Þegar framleiðslu var hætt árið 2003 höfðu rúmlega 20 milljón bjöllur verið smíðaðar, engin önnur bílategund hefur verið framleidd í svo mörgum eintökum. Helsti hugmyndasmiður bjöllunnar var Þjóðverjinn Ferdinand Porsche. Adolf Hitler hafði áhuga á framleiðslunni og átti hugsanlega þátt í að nefna bílinn Volkswagen sem merkir‚alþýðuvagn‘.