Er ölvun á almannafæri bönnuð á Íslandi?

Nafn þitt

Netfang þitt

Netfang móttakanda

Ruslpóstvörn =

Svar

Er ölvun á almannafæri bönnuð á Íslandi?
Spurningin í heild sinni hljóðaði svona:

Er ölvun á almannafæri bönnuð á Íslandi, hvað felst í því? Getur maður sem dettur í það á bar ekki labbað heim án þess að brjóta lögin?

Um þetta er fjallað í 21. gr. áfengislaga nr. 75/1998:

Hver sá sem sökum ölvunar veldur óspektum, hættu eða hneyksli á almannafæri, opinberum samkomum, í bifreiðum eða öðrum farartækjum eða skipum skal sæta ábyrgð samkvæmt lögum þessum.

Samkvæmt ákvæðinu þarf tvennt til svo verknaðurinn sé refsiverður - að viðkomandi sé ölvaður og valdi “óspektum, hættu eða hneyksli”. Einnig þarf verknaðurinn að gerast á almannafæri eða á þeim stöðum sem nefndir eru í ákvæðinu. Ölvunin ein og sér er ekki refsiverð.

Ef maður er að skemmta sér í miðbænum um helgi og ákveður að ganga heim ölvaður eftir skemmtunina þá telst hann varla vera að brjóta lög sé tekið mið af áfengissiðum Íslendinga. Ef hið sama gerðist hins vegar í íbúðarhverfi um kvöldmatarleytið á virkum degi gæti málið litið öðruvísi út. Þá gæti hegðun mannsins verið refsiverð samkvæmt ákvæðinu; ef hann væri ofurölvi gæti framferði hans verið hneykslanlegt. Þetta ræðst semsagt allt af aðstæðum hverju sinni.

Ölvun á almannafæri er þess vegna ekki bönnuð á Íslandi en ef ölvaður maður veldur óspektum, hættu eða hneyksli á almannafæri getur hann þurft að sæta ábyrgð.

Þeir sem vilja lesa meira um ölvun og áfengi á Vísindavefnum geta skoðað svör við eftirfarandi spurningum:

• Hvaða áhrif hefur alkóhól á heila og líkama? eftir Þuríði Þorbjarnardóttur.
• Má lögráða einstaklingur sem hefur náð 18 ára aldri neyta áfengis? eftir Magnús Viðar Skúlason.

...