Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Er erfitt að læra forritun?

Spyrjandi bætir einnig við:
Er hægt að kaupa sér kennslubækur í einhverjum tölvubúðum?
Sumum finnst mjög auðvelt að læra forritun en aðrir ná sér aldrei almennilega á strik í því. Þeir sem hafa gaman af rökhugsun og nákvæmnisvinnu tileinka sér í flestum tilvikum forritun tiltölulega auðveldlega. Ef fólk vill komast að hvort það hafi ánægju af forritun eða hæfileika til forritunar þá er besta aðferðin sennilega sú að prófa einfaldlega að forrita. Hafi fólk ánægju af forritun er líklegra að það hafi hæfileika.

Til eru fjölmörg forritunarmál með mismunandi kosti og galla. Þau henta misvel eftir því hvers konar vandamál er verið að glíma við. Flestir sem vilja kynna sér forritun lauslega byrja sennilega á einhvers konar vefsíðuforritun, til dæmis með því að nota Javascript. Af öðrum forritunarmálum er trúlega Visual Basic frá Microsoft algengast fyrir byrjendur, en einnig eru sumir sem byrja á að nota Java. Enn aðrir byrja á stærðfræðilegri eða rökfræðilegri forritunarmálum svo sem Scheme. Þá er Python af sumum talið gott sem fyrsta forritunarmál.

Ótölulegur fjöldi bóka um forritun er nú fáanlegur, en einnig má finna leiðbeiningar á vefnum fyrir flest tiltæk forritunarmál, bæði handbækur og kennslubækur. Trúlega er best að prófa sig áfram með þau tól og þær leiðbeiningar sem finna má ókeypis á vefnum og síðan má ef til vill kaupa tól og bækur eftir því sem þekkingin eykst og þarfirnar verða skýrari.

Frekara lesefni af Vísindavefnum:

Útgáfudagur

9.6.2004

Spyrjandi

Stefán Sigmundsson, f. 1989

Höfundur

prófessor í tölvunarfræði við HÍ

Tilvísun

Snorri Agnarsson. „Er erfitt að læra forritun?“ Vísindavefurinn, 9. júní 2004. Sótt 21. október 2019. http://visindavefur.is/svar.php?id=4333.

Snorri Agnarsson. (2004, 9. júní). Er erfitt að læra forritun? Vísindavefurinn. Sótt af http://visindavefur.is/svar.php?id=4333

Snorri Agnarsson. „Er erfitt að læra forritun?“ Vísindavefurinn. 9. jún. 2004. Vefsíða. 21. okt. 2019. <http://visindavefur.is/svar.php?id=4333>.

Chicago | APA | MLA

Sendu inn spurningu
eða

Vísindadagatalið

Helga Zoega

1976

Helga Zoega er prófessor í lýðheilsuvísindum við Læknadeild HÍ. Rannsóknir Helgu eru á sviði lyfjafaraldsfræði og beinast einkum að lyfjanotkun meðal barnshafandi kvenna og barna – hópum sem lyf eru sjaldnast prófuð á áður en þau koma á markað.