Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvenær hófst Sturlungaöld og hvenær lauk henni?

Í ítarlegu svari Skúla Sælands við spurningunni Hvað var Sturlungaöld? kemur fram að í raun var Sturlungaöldin einungis 42-44 ára tímabil á miðri 13. öld.

Almennt er upphaf hennar miðað við árið 1220 því þá fer fyrst að gæta tilrauna Hákonar gamla Noregskonungs til að leggja Ísland undir norsku krúnuna. Honum tókst svo ætlunarverk sitt á árunum 1262-64 og þar með lauk Sturlungaöldinni.

Sturlungaöldin er einn ofbeldisfyllsti tími Íslandssögunnar. Hún einkenndist af liðssafnaði valdamikilla höfðingja sem herjuðu hverjir á aðra með vígaferlum og gripdeildum. Tímabilið dregur nafn sitt af Sturlungum sem voru valdamesta ættin á Íslandi á þessum tíma. Við lok Sturlungaaldar komst landið undir erlend yfirráð og við það lauk þjóðveldistímanum sem hófst við landnám.

Áhugasamir um þetta tímabil í sögu Íslands eru hvattir til að kynna sér svar Skúla Sælands sem nefnt var hér í upphafi.

Frekari fróðleikur á Vísindavefnum:

Útgáfudagur

19.5.2009

Spyrjandi

Elma Sól, f. 1997

Höfundur

Tilvísun

EDS. „Hvenær hófst Sturlungaöld og hvenær lauk henni?“ Vísindavefurinn, 19. maí 2009. Sótt 20. október 2018. http://visindavefur.is/svar.php?id=52710.

EDS. (2009, 19. maí). Hvenær hófst Sturlungaöld og hvenær lauk henni? Vísindavefurinn. Sótt af http://visindavefur.is/svar.php?id=52710

EDS. „Hvenær hófst Sturlungaöld og hvenær lauk henni?“ Vísindavefurinn. 19. maí. 2009. Vefsíða. 20. okt. 2018. <http://visindavefur.is/svar.php?id=52710>.

Chicago | APA | MLA

Sendu inn spurningu
eða

Vísindadagatalið

Þorsteinn Helgason

1946

Þorsteinn Helgason er dósent emeritus í sagnfræði og sögukennslu við Menntavísindasvið HÍ. Rannsóknir hans hafa beinst að kennslufræði sögu, námsgagnagerð), gagnrýninni hugsun í kennslu, minningafræði og munnlegri sögu. Viðamestu verkefnin hafa fjallað um Tyrkjaránið á Íslandi 1627.