Senda inn spurningu
Sólin Sólin Rís 05:12 • sest 21:41 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 08:09 • Síðdegis: 20:27 í Reykjavík
Fjaran Fjara Árdegis: 02:12 • Síðdegis: 14:14 í Reykjavík
Visit the English version

Flokkun:

Félagsvísindi Lögfræði

Væri ólöglegt að setja upp tollhlið við Seltjarnarnes?

Guðbjörn Guðbjörnsson

Spurningin í fullri lengd hljóðaði svona:
Væri ólöglegt að setja upp tollhlið við Seltjarnarnes, ef svo er, hvers vegna?

Tollsvæði íslenska ríkisins er eins og segir í tollalögum landið ásamt eyjum og útskerjum sem því tilheyra, svo og tólf mílna landhelgi umhverfis það eins og hún er afmörkuð í lögum um landhelgi, efnahagslögsögu og landgrunn Íslands. Til tollsvæðis ríkisins telst enn fremur loftrými yfir fyrrgreindu land- og hafsvæði.

Seltjarnarnes er eins og sakir standa hluti af þessu tollsvæði og þyrfti sveitarfélagið því væntanlega fyrst að öðlast sjálfstæði til að það gæti að talist sérstakt tollsvæði og tekið upp eigin innflutnings- eða útflutningstolla.

Seltjarnarnes þyrfti væntanlega fyrst að öðlast sjálfstæði til að það gæti talist sérstakt tollsvæði. Á myndinni sést Seltjarnarnes og Reykjavík séð til austurs.

Afar ólíklegt er að nokkur reyni að stofna sérstakt ríki á Seltjarnarnesi, hvort sem tilgangurinn er upptaka inn- eða útflutningstolla, eða einhver allt annar. Lesendur Vísindavefsins hafa áður spurt um sambærileg efni. Í svari Skúla Magnússonar við spurningunni Hvernig stofnar maður þjóðríki, til dæmis ef maður á jörð á Suðurlandi eða eyju á Breiðafirði? segir til að mynda:

[S]tofnun ríkis á eyju á Breiðafirði eða jörð á Suðurlandi er verulegum erfiðleikum bundin. Þessi svæði eru þegar undir yfirráðum íslenska ríkisins og er ekki líklegt að þeim yrði afsalað eða stofnun ríkja á þeim samþykkt með neinum hætti. Engin þjóðaréttarleg rök myndu heldur styðja kröfur um að svæði sem þessi yrðu að fullvalda ríkjum. Jafnvel þótt einhverjum aðilum tækist að ná virkri stjórn á þess konar svæðum án samþykkis íslenska ríkisins er því mjög ólíklegt að þeir myndu njóta viðurkenningar annarra sem ríki í samfélagi þjóðanna.

Af framangreindu má því ætla að nær engar líkur séu á því að tollhlið verði sett upp á Seltjarnarnesi. Tollhlið á Seltjarnarnesi hefði enga lagalega merkingu og engum bæri að greiða þar inn- eða útflutningstolla.

Myndir:

Höfundur

Guðbjörn Guðbjörnsson

Guðbjörn Guðbjörnsson

stjórnsýslufræðingur og yfirtollvörður

Útgáfudagur

17.11.2017

Spyrjandi

Arnór Orri Jóhannsson

Efnisorð

Tilvísun

Guðbjörn Guðbjörnsson. „Væri ólöglegt að setja upp tollhlið við Seltjarnarnes?“ Vísindavefurinn, 17. nóvember 2017. Sótt 27. apríl 2024. http://visindavefur.is/svar.php?id=56358.

Guðbjörn Guðbjörnsson. (2017, 17. nóvember). Væri ólöglegt að setja upp tollhlið við Seltjarnarnes? Vísindavefurinn. Sótt af http://visindavefur.is/svar.php?id=56358

Guðbjörn Guðbjörnsson. „Væri ólöglegt að setja upp tollhlið við Seltjarnarnes?“ Vísindavefurinn. 17. nóv. 2017. Vefsíða. 27. apr. 2024. <http://visindavefur.is/svar.php?id=56358>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Væri ólöglegt að setja upp tollhlið við Seltjarnarnes?
Spurningin í fullri lengd hljóðaði svona:

Væri ólöglegt að setja upp tollhlið við Seltjarnarnes, ef svo er, hvers vegna?

Tollsvæði íslenska ríkisins er eins og segir í tollalögum landið ásamt eyjum og útskerjum sem því tilheyra, svo og tólf mílna landhelgi umhverfis það eins og hún er afmörkuð í lögum um landhelgi, efnahagslögsögu og landgrunn Íslands. Til tollsvæðis ríkisins telst enn fremur loftrými yfir fyrrgreindu land- og hafsvæði.

Seltjarnarnes er eins og sakir standa hluti af þessu tollsvæði og þyrfti sveitarfélagið því væntanlega fyrst að öðlast sjálfstæði til að það gæti að talist sérstakt tollsvæði og tekið upp eigin innflutnings- eða útflutningstolla.

Seltjarnarnes þyrfti væntanlega fyrst að öðlast sjálfstæði til að það gæti talist sérstakt tollsvæði. Á myndinni sést Seltjarnarnes og Reykjavík séð til austurs.

Afar ólíklegt er að nokkur reyni að stofna sérstakt ríki á Seltjarnarnesi, hvort sem tilgangurinn er upptaka inn- eða útflutningstolla, eða einhver allt annar. Lesendur Vísindavefsins hafa áður spurt um sambærileg efni. Í svari Skúla Magnússonar við spurningunni Hvernig stofnar maður þjóðríki, til dæmis ef maður á jörð á Suðurlandi eða eyju á Breiðafirði? segir til að mynda:

[S]tofnun ríkis á eyju á Breiðafirði eða jörð á Suðurlandi er verulegum erfiðleikum bundin. Þessi svæði eru þegar undir yfirráðum íslenska ríkisins og er ekki líklegt að þeim yrði afsalað eða stofnun ríkja á þeim samþykkt með neinum hætti. Engin þjóðaréttarleg rök myndu heldur styðja kröfur um að svæði sem þessi yrðu að fullvalda ríkjum. Jafnvel þótt einhverjum aðilum tækist að ná virkri stjórn á þess konar svæðum án samþykkis íslenska ríkisins er því mjög ólíklegt að þeir myndu njóta viðurkenningar annarra sem ríki í samfélagi þjóðanna.

Af framangreindu má því ætla að nær engar líkur séu á því að tollhlið verði sett upp á Seltjarnarnesi. Tollhlið á Seltjarnarnesi hefði enga lagalega merkingu og engum bæri að greiða þar inn- eða útflutningstolla.

Myndir:

...