Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvað er loft?

Þegar við tölum um loft eigum við vanalega um lofthjúpinn sem er þunnt gaslag sem umlykur jörðina. Lofthjúpurinn er að mestu úr nitri og súrefni en einnig úr öðrum gastegundum. Hann varð líklega til á löngum tíma úr gosgufum frá eldfjöllum og það sama á reyndar við um hafið, eins og lesa má um í svari Sigurðar Steinþórssonar við spurningunni: Hvaðan kom hafið?


Lofthjúpurinn er þunnt gaslag sem umlykur jörðina.

Í þurru lofti er 78% nitur og 21% súrefni. Afgangurinn eða 1% samanstendur af nokkrum gastegundum í litlu magni sem þó eru mikilvægar jörðinni.

Það er ekki lofthjúpur utan um allar reikistjörnur. Ef reikistjörnur eru litlar og léttar ná þær ekki að halda lofti að sér. Sameindir loftsins fjúka þá bara út í geiminn. Á Merkúríusi, sem er innsta reikistjarna sólkerfisins, er enginn lofthjúpur. Þar er mikill hiti og agnir lofthjúpsins fá mikla orku og hraða og rjúka því út í geiminn.

Heimildir og frekara lesefni á Vísindavefnum:

Mynd:


Þetta svar er í flokknum „bekkirnir spyrja“ þar sem starfsfólk vefsins svarar spurningum frá grunnskólabekk í kennslustund, samkvæmt samningi. Lögð er áhersla á skjót svör, stutt og aðgengileg. Oft er byggt á öðrum svörum sem kunna að nýtast almennum lesendum betur.

Útgáfudagur

23.5.2011

Spyrjandi

Ástrós Sóley Kristjánsdóttir, f. 1997

Höfundur

Tilvísun

JGÞ. „Hvað er loft?“ Vísindavefurinn, 23. maí 2011. Sótt 29. júní 2017. http://visindavefur.is/svar.php?id=59807.

JGÞ. (2011, 23. maí). Hvað er loft? Vísindavefurinn. Sótt af http://visindavefur.is/svar.php?id=59807

JGÞ. „Hvað er loft?“ Vísindavefurinn. 23. maí. 2011. Vefsíða. 29. jún. 2017. <http://visindavefur.is/svar.php?id=59807>.

Chicago | APA | MLA

Sendu inn spurningu
eða

Vísindadagatalið

Búddismi

Búddismi dregur nafn sitt af Gautama Búdda, sem var fornindverskur kennimaður í trúmálum og andlegum efnum. Búddistar líta svo á að allt í heiminum sé hverfult og líkja megi tilvist mannsins við logandi bál. Eldurinn er ekki eins neinar tvær stundir. Þú hefur ekki fyrr litið á loga en hann er farinn. Samt getum við nefnt bálið sama nafni meðan það brennur.