Móðir mín sagði að nafn mitt, Hrafn, væri fengið úr orðatiltækinu 'Guð launar fyrir hrafninn'. Hver er merking þess?

Nafn þitt

Netfang þitt

Netfang móttakanda

Ruslpóstvörn =

Svar

Móðir mín sagði að nafn mitt, Hrafn, væri fengið úr orðatiltækinu 'Guð launar fyrir hrafninn'. Hver er merking þess?
Orðasambandið 'Guð launar/borgar fyrir hrafninn' er sagt um eða við þann sem gerir öðrum greiða, gerir eitthvað fyrir einhvern.

Hrafnar hafa þann sið að halda þing á haustin, svokallað hrafnaþing, og skipta sér niður á bæi yfir veturinn, tveir og tveir saman. Þeir leita á náðir manna þegar hart er í ári og snjór eða svell yfir öllu.

Flestir reyna að hafa eitthvað í hrafninn, að minnsta kosti hér áður fyrr. Þá er gjarnan sagt í bókstaflegri merkingu: „Guð launar fyrir hrafninn“; ef fólk gerir eitthvað fyrir hrafninn þá mun Guð gera eitthvað fyrir það í staðinn.

Síðan hefur verið farið að nota þetta í yfirfærðri merkingu. Ef einhverjum býðst til dæmis kaka eða brauð sem hann þiggur getur hann þakkað fyrir sig með því að segja: „Guð launar/borgar fyrir hrafninn“.

Elsta dæmi um orðtakið í ritmálssafni Orðabókar Háskólans er úr Safni af íslenzkum orðskviðum eftir Guðmund Jónsson sem gefið var út 1830.

Mynd:

• Image:Corvus corax jouveniles.jpeg. Höfundur myndar er Sigurður Atlason. Myndin er birt undir GNU Free Documentation leyfinu.

...