Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hver er Jerome S. Bruner?

Jerome S. Bruner.

Jerome S. Bruner er fæddur í New York árið 1915. Hann lauk B.A.-prófi við Duke-háskóla og stundaði síðan nám í sálfræði við Harvard-háskóla og lauk doktorsprófi við þann sama háskóla 1941. Hann varð prófessor við Harvard 1944 og hefur verið við þann skóla síðan. Hann var forseti bandaríska sálfræðingafélagsins (APA) 1965.

Á fjórða áratug síðustu aldar eða í kringum 1940 hóf Bruner rannsóknir á skynjun og hugsun. Síðar eða upp úr 1950 beindist áhugi hans að rannsóknum á vitsmunum mannsins (e. cognitive science).

Eftir „Spútnik-áfallið“ 1957, þegar Rússar voru á undan Bandaríkjamönnum að senda geimfar á loft, var Bruner skipaður í vísindanefnd sem átti að endurskoða raungreinakennslu í menntakerfi Bandaríkjanna. Afrakstur þeirrar vinnu voru bækurnar: The Process of Education, Theory of Instruction og The Relevance of Education.

Síðar beindist áhugi hans að hugtökunum vitund (e. mind) og merking (e. meaning). Árið 1996, þegar hann var 82 ára gamall, birtist eftir hann bókin: The Culture of Education. Þar dregur hann saman kenningar sínar um hvernig nám er háð þeirri menningu sem einstaklingurinn lifir í.

Nánari er fjallað um Bruner og hugmyndir hans í svari við spurningunni Hverjar eru helstu uppeldis- og menntahugmyndir Jerome S. Bruners?

Mynd:

Útgáfudagur

14.11.2011

Spyrjandi

Ritstjórn

Höfundur

prófessor í kennslufræði, námskrárfræði og siðfræði við HÍ

Tilvísun

Gunnar E. Finnbogason. „Hver er Jerome S. Bruner?“ Vísindavefurinn, 14. nóvember 2011. Sótt 22. september 2019. http://visindavefur.is/svar.php?id=61177.

Gunnar E. Finnbogason. (2011, 14. nóvember). Hver er Jerome S. Bruner? Vísindavefurinn. Sótt af http://visindavefur.is/svar.php?id=61177

Gunnar E. Finnbogason. „Hver er Jerome S. Bruner?“ Vísindavefurinn. 14. nóv. 2011. Vefsíða. 22. sep. 2019. <http://visindavefur.is/svar.php?id=61177>.

Chicago | APA | MLA

Sendu inn spurningu
eða

Vísindadagatalið

Hrafn Loftsson

1965

Hrafn Loftsson er dósent í tölvunarfræði við HR. Rannsóknir Hrafns eru á sviði máltækni sem er rannsóknar- og þróunarsvið hvers markmið er að þróa búnað sem getur unnið með og skilið náttúruleg tungumál og stuðlað að notkun þeirra í samskiptum manns og tölvu.