Hvað eru margir stjórnmálaflokkar á Íslandi og hvað heita þeir?

Nafn þitt

Netfang þitt

Netfang móttakanda

Ruslpóstvörn =

Svar

Hvað eru margir stjórnmálaflokkar á Íslandi og hvað heita þeir?
Í svari við spurningunni Hver er munurinn á stjórnmálaflokki og stjórnmálahreyfingu? segir um stjórnmálaflokka að þeir séu ólíkir öðrum samtökum að því leyti að þeir bjóða fram í almennum kosningum og hafi oftast nær það yfirlýsta markmið að vilja stjórna ríkisvaldinu. Í þessu svari er tekið mið af þessu og litið svo á að fjöldi stjórnmálaflokka hverju sinni sé sá sami og fjöldi framboða.

Fjöldi stjórnmálaflokka á hverjum tíma mjög breytilegur og því er ekki hægt að svara þessari spurningu í eitt skipti fyrir öll. Ef litið er til síðustu 100 ára voru yfirleitt 3-5 flokkar í framboði í alþingiskosningum allt fram að 8. áratug síðustu aldar. Á tímabilinu 1971-2009 voru framboðin fæst árið 1971 eða sex en flest árið 1991 þegar 11 flokkar buðu fram lista. Þegar kosið var til Alþingis árið 2013 gátu kjósendur hins vegar valið á milli 15 framboða.

Alls hafa 12 stjórnmálaflokkar eða samtök tilkynnt að þau ætli að bjóða fram í kosningum til Alþingis þann 29. október 2016. Þetta eru í stafrófsröð:

• Alþýðufylkingin (R)
• Björt framtíð (A)
• Dögun (T)
• Flokkur fólksins (F)
• Framsóknarflokkurinn (B)
• Húmanistaflokkurinn (H)
• Íslenska þjóðfylkingin (E)
• Píratar (Þ)
• Samfylkingin (S)
• Sjálfstæðisflokkurinn (D)
• Viðreisn (C)
• Vinstrihreyfingin - grænt framboð (V)

Níu þessara flokka bjóða fram á landsvísu en Alþýðufylkingin, Húmanistaflokkurinn og Íslenska þjóðfylkingin eru ekki með lista í öllum kjördæmum.

Heimildir og mynd:

• Framboðslistar við alþingiskosningarnar 29. október 2016 | Fréttir | Kosningavefur innanríkisráðuneytisins. (Sótt 25. 10. 2016).
• Alþingiskosningar - Wikipedia, frjálsa alfræðiritið. (Sótt 25. 10. 2016)
• Mynd: Mats: Íslandsmyndasafn © Mats Wibe Lund. (Sótt 4. 10. 2016).

...