Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Er Alaska land?

Alaska er vissulega land ef hugtakið er notað um þurrlendi eða landsvæði. Ef spyrjandi á hins vegar við hvort Alaska sé land í merkingunni sjálfstætt ríki þá er svarið nei.

Í svari Ulriku Andersson við spurningunni Hvað borguðu Bandaríkjamenn fyrir Alaska þegar þeir keyptu það? má lesa að árið 1867 keyptu Bandaríkin Alaska af Rússlandi fyrir 7,2 milljónir Bandaríkjadala. Rúmum 90 árum síðar, 3. janúar 1959, varð Alaska 49. ríki Bandaríkjanna með þeim réttindum og skyldum sem því fylgja.

Alaska er eitt af fámennustu ríkjum Bandaríkjanna en langstærst, fimmtán sinnum stærra en Ísland.

Alaska er norðvestasta ríki Bandaríkjanna og skilið frá öðrum bandarískum fylkjum af kanadíska fylkinu Bresku Kólumbíu. Það er stærst allra bandarísku fylkjanna, um 1,5 milljón ferkílómetrar að stærð, tvisvar sinnum stærra en Texas sem er næststærst og fimmtán sinnum stærra en Ísland. Landslagið er að mörgu leyti svipað og hér á landi, því að Alaska er eldfjallasvæði á sömu breiddargráðum og Ísland. Þar er einnig að finna um 100.000 jökla og aragrúa af ám og vötnum.

Íbúar Alaska árið 2012 voru um 730.000 talsins og voru aðeins ríkin Vermont, Wyoming og Norður-Dakóta auk Washington DC fámennari. Fylkið er það strjálbýlasta í Bandaríkjunum og í raun eitt af strjálbýlustu svæðum heims með innan við 0,5 íbúa á hvern ferkílómetra.

Heimildir og kort:

Útgáfudagur

19.3.2013

Spyrjandi

Grétar Örn Eiríksson

Höfundur

Tilvísun

EDS. „Er Alaska land?“ Vísindavefurinn, 19. mars 2013. Sótt 17. október 2018. http://visindavefur.is/svar.php?id=63631.

EDS. (2013, 19. mars). Er Alaska land? Vísindavefurinn. Sótt af http://visindavefur.is/svar.php?id=63631

EDS. „Er Alaska land?“ Vísindavefurinn. 19. mar. 2013. Vefsíða. 17. okt. 2018. <http://visindavefur.is/svar.php?id=63631>.

Chicago | APA | MLA

Sendu inn spurningu
eða

Vísindadagatalið

Hanna Óladóttir

1968

Hanna Óladóttir er aðjúnkt í íslensku við Menntavísindasvið Háskóla Íslands. Rannsóknir hennar eru á sviði félagsmálfræði og hafa snúist um viðhorf fólks til íslensku.