Ef eineggja tvíburarsystur og eineggja tvíburabræður myndu para sig saman og hvort par eignast barn, er þá líklegt að börnin yrðu lík?
Eineggja tvíburar verða til þegar frjóvgað egg klofnar í tvennt. Hvenær klofnunin verður ræður því hvort tvíburarnir deila einni og sömu legkökunni, hafa sameiginlega æða- og líknarbelgi eða ekki. Almennt gildir að eftir því sem klofnunin verður seinna þeim mun líklegra er að tvíburarnir deili með sér legköku. Klofnunin getur orðið strax í upphafi fósturvísisstigs þegar fóstrið er aðeins ein fruma, frjóvgað eggið eða okfruman. Okfruman skiptist í tvær dótturfrumur en í staðinn fyrir að loða saman eins og gerist venjulega losna þær frá hvor annarri og þroskast áfram sín í hvoru lagi. Þannig þroskast þær í tvö aðskilin fóstur sem verða að tveimur óháðum einstaklingum. Þar sem fósturvísarnir eru komnar af sömu okfrumu og þar með sömu sáð- og eggfrumu, hafa þeir fengið sama erfðaefnið (DNA) „í vöggugjöf“. Það er því ekki skrýtið að eineggja tvíburar séu nauðalíkir, erfðaefni þeirra er það sama.
![](/../myndir/eineggja_tviburar_150618.jpg)
Eineggja tvíburar eru venjulega líkari þegar þeir eru yngri. Umhverfisáhrif valda því svo að þeir verða ólíkari með árunum.
![](/../myndir/olsen_tviburar_150618.jpg)
Mary-Kate og Ashley Olsen er frægir, eineggja tvíburar. Ef þær myndu para sig við aðra eineggja tvíbura eru líkurnar á að börnin þeirra verði lík þær sömu og líkurnar á að systkini verði lík.
- Eru eineggja tvíburar með nákvæmlega eins erfðaefni? eftir Guðmund Eggertsson
- Koma eineggja tvíburar eins út í faðernisprófi? eftir ÞV
- Er arfgengt að eignast tvíbura? eftir EDS
- Eru til tölur yfir hlutfall eineggja tvíbura á Íslandi? eftir Emilíu Dagnýju Sveinbjörnsdóttur
- Hvað eru tvíburarannsóknir og hvernig eru þær gerðar? eftir Magnús Jóhannsson
- Hvernig verða síamstvíburar til og hvaðan kemur þetta heiti? eftir Þuríði Þorbjarnardóttur
- Mynd af ungum tvíburum: Pixabay.
- Mynd af Olsen tvíburasystrum: Wikimedia Commons.