Senda inn spurningu
Sólin Sólin Rís 05:12 • sest 21:41 í Reykjavík
Tunglið Tunglið Rís 00:00 • Sest 00:00 í Reykjavík
Flóð Flóð Árdegis: 08:09 • Síðdegis: 20:27 í Reykjavík
Fjaran Fjara Árdegis: 02:12 • Síðdegis: 14:14 í Reykjavík
Visit the English version
Vísindafélag Íslendinga - 100 ára

Flokkun:

Vísindavefur Dagatal íslenskra vísindamanna
Heilbrigðisvísindi Næringarfræði

Hvað hefur vísindamaðurinn Hrönn Ólína Jörundsdóttir rannsakað?

Ritstjórn Vísindavefsins og Vísindafélag Íslands

Hrönn Ólína Jörundsdóttir er sviðsstjóri Mæliþjónustu og rannsóknarinnviða hjá Matís. Hún er með doktorsgráðu frá Stokkhólmsháskóla í umhverfisefnafræði og hefur sérhæft sig í rannsóknum á mengun í umhverfi og mat. Hún hefur stundað fjölbreyttar rannsóknir á mismunandi mengun, meðal annars á málmum og þungmálmum í íslensku umhverfi og matvælum, heildarútsetningu Íslendinga fyrir þungmálmum, áhrifum skipasiglinga á viðkvæmum norðurslóðum og magn plastagna sem sleppa út í hafið kringum landið.

Í umhverfinu er margskonar mengun sem verður að taka tillit til þegar kemur að matvælaöryggi, það er ekki hægt að framleiða gæðamatvæli með hráefnum sem vaxa í menguðu umhverfi. Mengun getur verið annað hvort langvarandi (þrávirk) eða skammvinn og áhrif hennar mismunandi eftir því. En þótt mengun sé til staðar getur verið óvíst hver áhrifin eru á lífríki og menn. Þetta sameinast allt í þverfaglegum rannsóknum á umhverfisáhrifum og matvælaöryggi. Við búum í dag við þann raunveruleika að geta fundið mengun alls staðar, í náttúrunni, í matvælum, á heimilum og í okkur sjálfum - hvert mannsbarn fæðist í dag með ákveðinn skammt mengunar í sér. En spurningin er alltaf hvaða áhrif þessi mengun hefur á okkur.

Hrönn hefur stundað fjölbreyttar rannsóknir á mismunandi mengun, meðal annars á málmum og þungmálmum í íslensku umhverfi og matvælum, heildarútsetningu Íslendinga fyrir þungmálmum, áhrifum skipasiglinga á viðkvæmum norðurslóðum og magn plastagna sem sleppa út í hafið kringum landið.

Áhættumat í tengslum við matvælaöryggi er nátengt umhverfisrannsóknum og nauðsynlegt til að neytendur geti verið öruggir um að matvælin sem þeir neyta ógni ekki heilsu þeirra. Áhættumat byggir á því að þekkja mögulegan styrk óæskilegra efna í matvælum, vita meðalneyslu landsmanna á matvælum og þekkja áhrif óæskilegu efnanna á menn. Þessi þrjú atriði eru sett saman til að reikna út áhættu af neyslu matvælanna. Þar sem ómögulegt er að finna matvæli sem ekki innihalda mengun af einhverju tagi er tilgangur áhættumatsins ekki að útiloka áhættu heldur að meta hver er ásættanleg áhætta með tilliti til lífslangrar neyslu matvælanna, það er hverjar líkurnar eru á alvarlegum sjúkdómum ef matvælanna er neytt allt lífið.

Hrönn er fædd árið 1978. Hún lauk stúdentsprófi frá Menntaskólanum við Sund árið 1998 og BS-prófi í efnafræði frá Háskóla Íslands árið 2001. Sama haust fluttist hún til Svíþjóðar og hóf nám við Stokkhólmsháskóla þaðan sem hún lauk MS-prófi í umhverfisefnafræði árið 2002. Hrönn hélt áfram rannsóknum á umhverfisefnafræði við skólann með áherslu á samanburð mengunar á Norðurlöndunum. Í náminu skoðaði hún aðallega þrávirk lífræn efni eins og PCB, DDT, perflúoreruð efni og brómeruð brunavarnarefni ásamt niðurbrotsefnum þeirra í norrænu lífríki. Hún lauk Ph.D. gráðu frá Stokkhólmsháskóla árið 2009 undir handleiðslu prófessors Åke Bergman. Hrönn hóf störf hjá Matís 2009 sem verkefnastjóri og tók þá við mælingum á snefilefnum. Í dag er hún sviðsstjóri og er aðallega að vinna að matvælaöryggi, áhættumati og áhættumiðlun.

Mynd:
  • Úr safni HÓJ.

Höfundar

Ritstjórn Vísindavefsins

Ritstjórn Vísindavefsins

Vísindafélag Íslands

Vísindafélag Íslands

Útgáfudagur

24.8.2018

Spyrjandi

Ritstjórn

Efnisorð

Tilvísun

Ritstjórn Vísindavefsins og Vísindafélag Íslands. „Hvað hefur vísindamaðurinn Hrönn Ólína Jörundsdóttir rannsakað?“ Vísindavefurinn, 24. ágúst 2018. Sótt 27. apríl 2024. http://visindavefur.is/svar.php?id=76220.

Ritstjórn Vísindavefsins og Vísindafélag Íslands. (2018, 24. ágúst). Hvað hefur vísindamaðurinn Hrönn Ólína Jörundsdóttir rannsakað? Vísindavefurinn. Sótt af http://visindavefur.is/svar.php?id=76220

Ritstjórn Vísindavefsins og Vísindafélag Íslands. „Hvað hefur vísindamaðurinn Hrönn Ólína Jörundsdóttir rannsakað?“ Vísindavefurinn. 24. ágú. 2018. Vefsíða. 27. apr. 2024. <http://visindavefur.is/svar.php?id=76220>.

Chicago | APA | MLA

Tengd svör

Þessi síða notar vafrakökur Nánari upplýsingar

Ég samþykki
Spyrja

Sendu inn spurningu LeiðbeiningarTil baka

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Senda grein til vinar

=

Hvað hefur vísindamaðurinn Hrönn Ólína Jörundsdóttir rannsakað?
Hrönn Ólína Jörundsdóttir er sviðsstjóri Mæliþjónustu og rannsóknarinnviða hjá Matís. Hún er með doktorsgráðu frá Stokkhólmsháskóla í umhverfisefnafræði og hefur sérhæft sig í rannsóknum á mengun í umhverfi og mat. Hún hefur stundað fjölbreyttar rannsóknir á mismunandi mengun, meðal annars á málmum og þungmálmum í íslensku umhverfi og matvælum, heildarútsetningu Íslendinga fyrir þungmálmum, áhrifum skipasiglinga á viðkvæmum norðurslóðum og magn plastagna sem sleppa út í hafið kringum landið.

Í umhverfinu er margskonar mengun sem verður að taka tillit til þegar kemur að matvælaöryggi, það er ekki hægt að framleiða gæðamatvæli með hráefnum sem vaxa í menguðu umhverfi. Mengun getur verið annað hvort langvarandi (þrávirk) eða skammvinn og áhrif hennar mismunandi eftir því. En þótt mengun sé til staðar getur verið óvíst hver áhrifin eru á lífríki og menn. Þetta sameinast allt í þverfaglegum rannsóknum á umhverfisáhrifum og matvælaöryggi. Við búum í dag við þann raunveruleika að geta fundið mengun alls staðar, í náttúrunni, í matvælum, á heimilum og í okkur sjálfum - hvert mannsbarn fæðist í dag með ákveðinn skammt mengunar í sér. En spurningin er alltaf hvaða áhrif þessi mengun hefur á okkur.

Hrönn hefur stundað fjölbreyttar rannsóknir á mismunandi mengun, meðal annars á málmum og þungmálmum í íslensku umhverfi og matvælum, heildarútsetningu Íslendinga fyrir þungmálmum, áhrifum skipasiglinga á viðkvæmum norðurslóðum og magn plastagna sem sleppa út í hafið kringum landið.

Áhættumat í tengslum við matvælaöryggi er nátengt umhverfisrannsóknum og nauðsynlegt til að neytendur geti verið öruggir um að matvælin sem þeir neyta ógni ekki heilsu þeirra. Áhættumat byggir á því að þekkja mögulegan styrk óæskilegra efna í matvælum, vita meðalneyslu landsmanna á matvælum og þekkja áhrif óæskilegu efnanna á menn. Þessi þrjú atriði eru sett saman til að reikna út áhættu af neyslu matvælanna. Þar sem ómögulegt er að finna matvæli sem ekki innihalda mengun af einhverju tagi er tilgangur áhættumatsins ekki að útiloka áhættu heldur að meta hver er ásættanleg áhætta með tilliti til lífslangrar neyslu matvælanna, það er hverjar líkurnar eru á alvarlegum sjúkdómum ef matvælanna er neytt allt lífið.

Hrönn er fædd árið 1978. Hún lauk stúdentsprófi frá Menntaskólanum við Sund árið 1998 og BS-prófi í efnafræði frá Háskóla Íslands árið 2001. Sama haust fluttist hún til Svíþjóðar og hóf nám við Stokkhólmsháskóla þaðan sem hún lauk MS-prófi í umhverfisefnafræði árið 2002. Hrönn hélt áfram rannsóknum á umhverfisefnafræði við skólann með áherslu á samanburð mengunar á Norðurlöndunum. Í náminu skoðaði hún aðallega þrávirk lífræn efni eins og PCB, DDT, perflúoreruð efni og brómeruð brunavarnarefni ásamt niðurbrotsefnum þeirra í norrænu lífríki. Hún lauk Ph.D. gráðu frá Stokkhólmsháskóla árið 2009 undir handleiðslu prófessors Åke Bergman. Hrönn hóf störf hjá Matís 2009 sem verkefnastjóri og tók þá við mælingum á snefilefnum. Í dag er hún sviðsstjóri og er aðallega að vinna að matvælaöryggi, áhættumati og áhættumiðlun.

Mynd:
  • Úr safni HÓJ.
...