Hvað merkir orðið soga í t.d. Sogavegur, Sogablettur, Sogið o.s.frv.?Sog er skylt sagnorðinu sjúga og fleiri orðum af þeim toga, til dæmis soga (sogast upp), súgur (dragsúgur), suga (blóðsuga). Í náttúrunni geta orð af þessu tagi bæði vísað til vinds og vatns. Í örnefnum vísa þau til vætu eða tilfærslu á vatni. Stundum merkir það mikinn vatnsstraum, eins og í tilfelli Sogsins sem fellur úr Þingvallavatni, en virðist einnig notað um staðari mýrlendi.
Í örnefnum vísar sog til vætu eða tilfærslu á vatni. Stundum merkir það mikinn vatnsstraum, eins og í tilfelli Sogsins sem fellur úr Þingvallavatni.
- Mats: Íslandsmyndasafn © Mats Wibe Lund. (Sótt 21.9.2018).