Hvað hafa Íslendingar verið margir frá landnámi?

Nafn þitt

Netfang þitt

Netfang móttakanda

Ruslpóstvörn =

Svar

Hvað hafa Íslendingar verið margir frá landnámi?
Spurningin í fullri lengd hljóðaði svona:

Hvað hafa Íslendingar verið margir frá landnámi? Heildartala allra Íslendinga. Takk.

Í svari við spurningunni Er það satt að innan við milljón manns hafi fæðst á Íslandi frá upphafi? áætlar Gísli Gunnarsson að um 1.300.000 einstaklingar hafi fæðst á Íslandi frá landnámi. Það svar er frá árinu 2000 og því við hæfi að uppfæra þá tölu.

Eins og tekið er fram í fyrrnefndu svari þarf að giska á ýmsar forsendur til að svara spurningunni enda liggja engin nákvæm gögn fyrir um fjölda Íslendinga frá landnámi. Forsendurnar sem þarf að gefa sér eru meðallífaldur hverrar kynslóðar og fjöldi einstaklinga í hverri kynslóð. Það eru margar breytur sem þarf að taka í reikninginn við mannfjöldaágiskanir, til að mynda nefnir Gísli þessa þætti:

Hve mikil áhrif til fólksfækkunar höfðu rýrnandi landgæði, hve mikil áhrif til fólksfjölgunar hafði efling fiskveiða og utanríkisverslunar um 1400 eða fyrr, hve langvinn voru áhrif alls kyns farsótta.

Á vef Hagstofu Íslands má nálgast upplýsingar um fædda Íslendinga frá árinu 1853 til ársins 2018. Sé þeim einstaklingum sem hafa fæðst á 21. öldinni bætt við útreikninga Gísla Gunnarssonar má áætla að heildarfjöldi fæddra Íslendinga frá landnámi sé um 1.383.000. Á Hagstofuvefnum má einnig finna mannfjöldaspá. Standist sú spá nær heildarfjöldi Íslendinga (miðað við áætlun Gísla) frá landnámi hálfri annarri milljón árið 2044.

Heimild:

• Hagstofa Íslands. Upplýsingar sóttar 11.6.2019.

Mynd:

• Ingolf by Raadsig.jpg - Wikipedia, frjálsa alfræðiritið. (Sótt 30.8.2012).

...