Finnst fuglinn stari á Kanaríeyjum?

Nafn þitt

Netfang þitt

Netfang móttakanda

Ruslpóstvörn =

Svar

Finnst fuglinn stari á Kanaríeyjum?
Upprunalega var spurningin svona:

Af hverju er ekki stari á Kanaríeyjum?

Fuglalíf á Kanaríeyjum er nokkuð fjölskrúðugt. Alls hafa fundist þar rétt innan við 400 tegundir, þar af sex einlendar tegundir, það er að segja finnast ekki annars staðar.

Meðal þeirra tegunda sem þar finnast eru tvær tegundir af staraætt (Sturnidae), annars vegar Sturnus vulgaris (e. common starling eða European starling) sem er sú tegund sem einnig finnst á Íslandi og við köllum einfaldlega stara og hins vegar Pastor roseus (e. rosy starling eða rose-coloured starling) sem á íslensku gæti kallast rósastari. Síðarnefnda tegundin er þó sjaldgæf.

Líklega fóru starar fyrst að verpa á Kanaríeyjum undir lok áttunda áratugs síðustu aldar. Smáir varpstofnar eru á eyjunum Tenerife og Gran Canaria. Einnig er varpstofn á Azor-eyjum sem liggja norðvestur af Kanaríeyjum. Starar finnast í Marokkó og sennilega hafa þeir borist þaðan til eyjanna.

Heimildir og mynd:

• Lorenzo, J.A. o.fl. (2003). Atlas de las aves nidificantes en Tenerife. (Sótt 29.12.2022).
• Avibase - Bird Checklists of the World - Canary Islands. (Sótt 29.12.2022).
• Common starling - Flickr. Höfundur myndar Hedera.baltica. Birt undir Creative Commons Attribution-ShareAlike 2.0 Generic leyfir. (Sótt 29.12.2022).

...