Eru verðbætur vextir og þar með fjármagnstekjur?

Nafn þitt

Netfang þitt

Netfang móttakanda

Ruslpóstvörn =

Svar

Eru verðbætur vextir og þar með fjármagnstekjur?
Sami spyrjandi ítrekaði spurninguna og sendi um leið aðra sem einnig er svarað hér:

Get ég vænst svars við spurningu sem ég setti hér inn 2.4. síðastliðinn? Hér er önnur: Getur verðbættur höfðstóll (innláns) verið nokkuð annað en höfuðstóll?

Almennt er gerður greinarmunur á vöxtum og verðbótum á verðtryggðum lánum en hvoru tveggja telst til fjármagnstekna hjá þeim sem fær og fjármagnsgjalda hjá þeim sem greiðir. Við útreikning fjármagnstekjuskatts er enginn munur á greiddum vöxtum og verðbótum og raunar teljast verðbætur til vaxta í skilningi laga um skattinn, sbr. 4. gr. laga nr. 94/1996. Það getur þó skipt máli að tekjur af verðbótum skila sér oft seint vegna þess að þeim er bætt við höfuðstól og verðbætur sem eru ekki greiddar en bætast við höfuðstól teljast ekki til fjármagnstekna fyrr en þær eru greiddar. Á sama hátt teljast uppsafnaðar en ógreiddar verðbætur ekki til vaxta við útreikning vaxtabóta, einungis greiddar verðbætur sbr. lög nr. 90/2003, gr. 68. B.

Höfuðstóll verðtryggðs láns (eða skuldabréfs) hverju sinni er reiknaður með áföllnum verðbótum. Þó er algengt á yfirlitum að sýna skiptingu hans í annars vegar höfuðstól án verðbóta og svo áfallnar verðbætur. Það er ágætt til að lántaki geti áttað sig á því hve stóran hluta upphaflegrar lánsupphæðar er búið að greiða hverju sinni. Einnig þekkist að sýna upphaflega lánsupphæð (það er án tillits til afborgana sem hafa verið greiddar) með verðbótum sem einnig er hægt að bera saman við höfuðstól á hverjum tíma til að sjá hve stór hluti upphaflega lánsins hefur verið greiddur. Þótt þetta geti verið gagnlegar upplýsingar skipta þó eftirstöðvar með verðbótum yfirleitt lántaka mestu, meðal annars ef verið er að skoða að greiða upp lánið, til dæmis með endurfjármögnun.

Mynd:

• Why the Salary-backed Salary surpasses the mortgage: the complete guide - Agenzia Nova. (Sótt 23.04.2024).

...