Breytist kennitala einstaklings ef hann skiptir um kyn?

Nafn þitt

Netfang þitt

Netfang móttakanda

Ruslpóstvörn =

Svar

Breytist kennitala einstaklings ef hann skiptir um kyn?
Upprunalega spurningin hljóðaði svona:

Sæl verið þið. Nú skiptir einstaklingur um kyn. Breytist kennitalan við það?

Kennitala er tíu stafa auðkennisnúmer sem allir einstaklingar skráðir hjá Þjóðskrá Íslands hafa. Hver kennitala er einstök, en það merkir að engar tvær kennitölur eru eins. Öll börn sem fæðast á Íslandi fá sjálfkrafa kennitölu þegar þau eru skráð í tölvukerfi fæðingarstofnunar.

Fyrstu sex stafir kennitölu eru einfaldlega fæðingardagur, mánuður og ár viðkomandi einstaklings, allt skráð með tveimur tölustöfum. Síðan koma tveir tölustafir sem hafa enga merkingu, þá svonefnd vartala og seinasta talan táknar öldina sem viðkomandi fæddist á.

Af þessu sést að kyn fólks er ekki hluti af kennitölunni og því er engin þörf á nýrri kennitölu ef skráningu á kyni fólks er breytt. Enda eru kennitölubreytingar ekki leyfðar nema í undantekningartilfellum, til dæmis ef einstaklingur fær ranga kennitölu í upphafi. Það gæti gerst ef fæðingardagurinn er vitlaus í kennitölunni.

Heimildir:

• Um kennitölur - Þjóðskrá. (Sótt 16.06.2025).
• Breytt skráning á kyni - Þjóðskrá. (Sótt 16.06.2025).

Mynd:

• File:Kvinnostrejk i Reykjavik (5).jpg - Wikimedia Commons. (Sótt 17.06.2025).

...