Hvernig kúka slöngur, eru þær með afturenda?

Svar

Slöngur (Serpentes) hafa afturenda og á honum er líkamsop þar sem úrgangur berst út. Afturendi slanga er ólíkur afturenda manna og annarra spendýra. Hann nefnist réttu nafni þarfagangur (lat. cloaca).

Afturendi slanga nefnist þarfagangur.

Hjá slöngurm berst saur í gegnum stórgirni, líkt og í spendýrum, og þaðan í þarfaganginn sem hefur vísi að þremur hólfum og sinnir mun fjölbreyttara hlutverki en endaþarmur okkar. Í gegnum hann fer einnig þvag og kynfrumur, það er egg og sæðisfrumur.

Saurinn berst úr stórgirni og í fremsta hólf (lat. coprodeum) þarfagangsins og þaðan út um þarfagangsopið. Miðhólfið nefnist í líffærafræðinni urodeum og í það gengur rás frá þvagblöðru og kynkirtlum.

Mynd:

• en.wikipedia.org - Snake. Sótt 21.5.2012.