Sendu inn spurningu

Hér getur þú sent okkur nýjar spurningar um vísindaleg efni.

Hafðu spurninguna stutta og hnitmiðaða og sendu aðeins eina í einu. Einlægar og vandaðar spurningar um mikilvæg efni eru líklegastar til að kalla fram vönduð og greið svör. Ekki er víst að tími vinnist til að svara öllum spurningum.

Persónulegar upplýsingar um spyrjendur eru eingöngu notaðar í starfsemi vefsins, til dæmis til að svör verði við hæfi spyrjenda. Spurningum er ekki sinnt ef spyrjandi villir á sér heimildir eða segir ekki nægileg deili á sér.

Spurningum sem eru ekki á verksviði vefsins er eytt.

Að öðru leyti er hægt að spyrja Vísindavefinn um allt milli himins og jarðar!

=

Hvers vegna byrjaði kristin trú svona seint á Íslandi?

Kristni kom fyrst upp meðal fátæks almúgafólks á afskekktum stað í rómverksa keisaradæminu. Það tók trúna því nokkuð langan tíma að ná útbreiðslu. Rétt fyrir 400 var hún þó orðin það útbreidd að keisarinn gerði hana að ríkistrú. Um þetta leyti tók hún líka að breiðast út um Norður-Evrópu en á næstu öldum gengu miklar breytingar yfir vegna þess að margar þjóðir fluttu milli landa. Það er kallað þjóðflutningarnir miklu. Af þessum sökum voru samskipti og samgöngur ekki eins öruggar og verið hafði áður. Þetta tafði útbreiðslu trúarinnar mikið.

Rétt um 600 hófst aftur ný sókn kristni, fyrst á Bretlandseyjum en þangað hafði páfinn sent kristniboða. Síðar breiddist hún víðar um Norður-Evrópu. Þegar tillit er tekið til þessa alls getum við kanski sagt að kristnin hafi verið furðu fljót að breiðast út.

Á leið sinni frá Palestínu til Íslands þurfti kristnin líka aftur og aftur að fara yfir menningarleg landamæri, fyrst frá Gyðingum yfir til Grikkja, síðan frá þeim til Rómverja og loks frá Rómverjum til Germana. Þetta hefur auðvitað tekið langan tíma.

Útgáfudagur

9.11.2000

Spyrjandi

Diljá Rut Guðmundsdóttir, f. 1990

Efnisorð

Höfundur

Hjalti Hugason

prófessor í guðfræði við HÍ

Tilvísun

Hjalti Hugason. „Hvers vegna byrjaði kristin trú svona seint á Íslandi?“ Vísindavefurinn, 9. nóvember 2000. Sótt 23. maí 2019. http://visindavefur.is/svar.php?id=1115.

Hjalti Hugason. (2000, 9. nóvember). Hvers vegna byrjaði kristin trú svona seint á Íslandi? Vísindavefurinn. Sótt af http://visindavefur.is/svar.php?id=1115

Hjalti Hugason. „Hvers vegna byrjaði kristin trú svona seint á Íslandi?“ Vísindavefurinn. 9. nóv. 2000. Vefsíða. 23. maí. 2019. <http://visindavefur.is/svar.php?id=1115>.

Chicago | APA | MLA

Sendu inn spurningu
eða

Vísindadagatalið

Páll Melsted

1980

Páll Melsted er prófessor í tölvunarfræði við Iðnaðarverkfræði-, vélaverkfræði- og tölvunarfræðideild HÍ. Rannsóknir Páls snúast um þróun aðferða á sviði lífupplýsingafræði, sér í lagi til að vinna úr miklu magni af raðgreiningargögnum.